إقتباس:
|
المشاركة الأصلية بواسطة khaled_adel666
مهما كانت الاساءة فيجب ان لاتكون بالاساءة اولا
انتم دين التسامح فهل من التسامح ان تلقب احد المسئولين بالكاذب هكذا علي مسمع ومراءة من الجميع وانت تتطالب بتدخل اجنبي أكل ما يحدث في منزلك مشكلة تطالب من الخارج بالتدخل
من المتعارف علية ان الشعب المصري شعب واحد لا يفرق بين الديانات مهما حدث والدليل علي ذلك عندما قمتم بتقديم مسرحية مسيئة للاسلام لم نطلب من امريكا اخراجكم من البلد او قمنا بادخال احد من اوروبا او امريكا
نصيحة اليوم (اذا حدث في بيتك مشكلة لا تقوم بادخال اجنبي او غريب حتي لو كان ابن عمك)
|
طب انصحنا حضرتك نعمل ايه؟
متشكرين جدا على مشاعرك الرقيقة الجميلة اللى متعاطفة معنا بس وبعدين؟
مشاعرك هاتوقف اللى بيحصل لاقباط مصر؟
مشاعرك تضمن ان الاعتداءات دى هاتكون الاخيرة؟
انت عارف كويس ان الاجابة لا بالتالى نعمل ايه؟
فى بدايتك كلامك بتلومنا لاننا دين التسامح ومش المفروض نقول على محافظ انه كاذب؟
حسب كلامك مش هانقول على اللى بيقتل انه قاتل او على اللى بيسرق انه حرامى
لان المحافظ فعلا كاذب وانت عارف كدة كويس
لو فى عدل من المسؤلين كنا قلنا انها قلة لكن للاسف ده المسلمين وبدعم من الحكومة عاملينها مذبحة نعمل ايه؟ اعتقد انه اقل شىء هو طلب الحماية وبصرف النظر عن مصدرها
سنين كتييبرة مرت وبنقول لا للتدخل الاجنبى والكلام الخايب ده لكن للاسف مع مرور السنين اكتشفنا وانا واحد من اللى اكتشفوا ده ان الوحدة الوطنية والانتماء كلام عبيط ومجرد وهم طالما المسلمين مش قادرين يستوعبوا معنى الحياة بسلام مع الاخرين
لو الاعتداء ده على اهلك ماذا ستفعل؟ لو الاعتداء ده متكرر ويبرر بكلام عبيط وباستخفاف بعقلك كنت هاتعمل ايه؟
جاوب على الاسئلة دى وانت تعرف ليه جوة كل قبطى مصرى نار