[الأستاذ]

يا اخ اصلاح مع احترامي التام ليك الا ان النظام وبكل اسف لو ينوي للتوريث يبقي هيحصل غصب عن اي واحد و الكلام مش نابع من تخيل انما اللى بيشوف الاحداث اللى بتحصل حاليا هيعرف اننا كل واحد دلوقت بيدور على اكل عيشة ولقمة عيشة اللى اصبحت نادرة اوي واللى لاقي شغل دلوقت بيتحسد على النعمة اللى فيها حتى لو كان مدرس ومرتبة لا يتعدي 140 جنية
لا انا ولا انت ولا غيرنا هيقدروا يعلموا حاجة وكل اللى احنا بنعملة حاليا زي العرب بالظبط
نندد ونشجب ونستنكر ونصرخ ونزعق
لكن فين ؟
على الانترنت وكل واحد خافي اسمة وبياناتة عشان ميلاقيش زوار الفجر زاروه وراح ورا الشمس كل اللى احنا بنعملة مجرد تكتكة كيبوردات وتحريك ماوس لا اكثر ولا اقل ولا انتظر انها تهز واحد او تحرك ساكن
معلش انا يمكن متشائم شوية لكن التفاؤول في الظروف الحالية يعتبر غباء غير محدود