[ديديموس]

المشاركة الأصلية بواسطة The_Lonley_Wolf

أقرا و أفهم و شغل مخك و بعدين تعالى اتكلم زى مانت عاوز

آه يا ربي يسوع
لما قلتنا اللي عايز يتبعك ينكر ذاته قبل كل شيء ويكفر بيها
ولما قلتلنا بروحك القدوس " توكل على الرب بكل قلبك و على فهمك لا تعتمد " (ام 3 : 5)
آه يا رب مين اللي يقدر يفهم حكمتك في كل شيء ومين اللي يقدر يعرف قصدك من كل شيء غيرك يا رب
يا رب اعطنا نعمة اننا نقول مع المرنم " و انا بليد و لا اعرف صرت كبهيم عندك. " ( مز 73 : 22 ).
آه يا رب لو ما كنتش سمحت لشهيدك انه يستشهد فما كان انتقل لأحضان قديسيك ، لكن يا رب انت طلبته لكي تجعل له مجدا لا يفنى ، مجدا يشتهيه كل من يسمع عنه ويطلبه كل من يعرف اسمك
آه يا رب ، انت دايما بتدبر لنا الصالح
وقلتلنا ما تهتموش ببكره واطلبوا ملكوت الله وبره أولا ، وان الآب السماوي عارف احتياجاتنا الأرضية كلها من قبل ما نطلبها
ليه يا رب ندور على أرض أو منفعة أرضية ، أو حياة أرضية
ليه يا رب بنبعد عنك وعايزين نقاتل كل اللي عايز يعتدي علينا بدل الصلاة لأجل خلاصهم
ليه يا رب من كثر الاثم المحبة بردت في قلوبنا
ارحمنا ربي يسوع احنا خطاة ، وخطيتنا عظيمة جدا
ارحمنا يا ربي يسوع من ادانة الآخرين مهما كان دينهم ، فهم في الأول والآخر خليقتك وعمل يديك وانت اللي بتطعمهم وبتهتم بيهم في كل شيء
احنا ولادك يا رب وعشان كده عمرنا ما نكره عمل يديك أبدا
وارادتك يا رب هي ارادتنا لأن لنا فكر المسيح (1كو 2 : 16) ، وعارفين يا رب ان ارادتك دايما " ان جميع الناس يخلصون و الى معرفة الحق يقبلون " (1تي 2 : 4)
جميع الناس يا رب ، ما بتفرقش ما بين اللي بيحبك وبيكرهك ، عايزهم يوصلوا لبر الخلاص وبتقبلهم في توبتهم مهما كانت خطيتهم
اعطنا يا رب من محبتك وتواضعك
اعطنا يا قائم من بين الأموات الماء الحي الذي ان شربناه فلن نعطش أبدا
ربي يسوع أعني