|
يا جماعة البرمجة الغوية العصبية دى باختصار هى "كيف تجعل كلامك مؤثراً على سامعيه"
والوسيلة لكدا تحديد أو تصنيف البشر لمجموعات معينة كل مجموعة منهم لها وسيلة معينة فى الإقناع
وطبعا التصنيف ده له أسس معينة شبيهة بتصنيفات علم النفس لكنها بصراحة عايمة ومش واضحة ومش ماشية على النظام الرباعى المتعارف عليه
المرحلة التانية بعد تصنيف اللى قدامك من انهى نوع انك تحدد نبرة صوتك وانفعالاتك أثناء الكلام معه بطريقة معينة بحيث تأثر انت بكلامك (لغويا) على تفكيره (عصبيا) فتحصل على أكبر قدر من الإقناع له
يعنى يمكن صياغة الموضوع على انه طريقة ديبلوماسية للوصول
العلم ده وإن كان حديث نوعاً (من 30 سنة تقريبا) إلا انه علمياً غير معترف به لأنه انشأ بواسطة علماء لغة ورياضيات مش علماء نفس وبالتالى فهو فعلا ملخبط فى الأساس النفسى للموضوع وماشى بنظام التجريب مش بنظام نظريات نفسية معروفة أو مثبتة
المهم إن الموضوع ده تم إحياؤه على يد الدعاة الاسلاميين حاليا كوسيلة لنشر الدعوة باسلوب يبدو علميا لكنه فى الواقع خبرة تعامل مش أسلوب علمى.. وانتشر الموضوع ده فى دول العالم الثالث (احنا يعنى) كنوع من الإرتزاق بالكورسات لأن لما تيجى لواحد وتقول له هاعلمك تكون مقنع وتسيطر على أفكار اللى قدامك بكلامك ويا سلام لو ضيفنا ليها نوع من التحابيش زى ان ده هايساعد فى الدعوة للإسلام هاتلاقيه طبعا يجرى وراك وعايزك تعلمه
أنا عاشق لعلم النفس ومؤمن تماماً بالتأثير اللغوى (نبرة الصوت والانفعالات) على فكر القارئ أو السامع.. وهناك بالفعل علوم مشتقة من علم النفس تهتم بالدراسة الأكاديمية العلمية لهذا الموضوع مثل علم الفسيونومى (دراسة الانفعالات) وعلم الفينولوجى (دراسة نبرة الصوت).. لكن البرمجة اللغوية العصبية دى اخترعها كام واحد قروا كام كتاب بطريقة الخبرة الشخصية مش بالعلم.. لذلك فأنا اتحدى أى شخص درس هذا الهراء يجد فى نفسه الكفاءة لإقناعى بغير ما أرغب..
تحياتى للجميع
|