[الأصلاح]

المشاركة الأصلية بواسطة prin

عارف يامصطفي بجد بقيت بستني كتابتك وصدقني بضحك من كم الشتايم في البقره الضاحكه بتاعتنا
برافو يا حبيبي بجد والله
لانه واضح يبني انا وانت هنكون في زنزانه واحده

حماده المصري

[SIZE=3]
طالما انك مبسوط ياprin..قعد اشرب قهوة واطلع على هذه المقاله .. بس رجائى
تشوف حد يجلس بجوارك وانت بتقرأها .. لتفسط على نفسك من الضحك.
اخوكم
فاعل خير
مصطفى بخيت



لو لقيت في كل بيت واحد مات من السرطان‏..‏ تبقي أنت أكيد في مصر‏!‏

لو رحت التأمين الصحي وإدوك حديد وزرنيخ‏..‏ تبقي أنت أكيد في مصر‏.‏

لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏.‏

لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏.‏

لوخلصت دراستك وخدت الشهادة وقعدت علي القهوة سنين ..‏ تبقي أنت أكيد في مصر‏!‏

لو سمعت وقريت جملة اللي نعرفه أحسن من اللي منعرفوش تبقي أنت أكيد في مصر‏!‏

لو سألت عسكري المرور تعرف تكتب وتقرا ورد ..وقال أعرف أقري وأكتب بس نمر العربيات‏..‏ تبقي أنت أكيد في مصر‏!‏

لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏!‏

لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏!‏

لو مزنوق في الشارع وملقتشي مراحيض عامة يبقي أنت أكيد في مصر‏!‏

لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏!‏

لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏!‏

لو تقف في طابور علشان رغيف العيش‏..‏ تبقي أنت أكيد في مصر‏!‏

لو سمعت الكبير بيقول للصغيرحضرتك تبقي أنت أكيد في مصر‏.‏

لو شفت بنات وسيدات وقضاه وصحفيين بيتمزق ملابسهم فى الشارع امام الشعب وامام قيادات آمن الدوله ..‏ تبقي أنت أكيد في مصر‏!‏

لو تم اخطافك من الشارع او فى الفجر من منزلك وبعد ذلك اعترفت انك تابع تنظيم القاعده وكنت ترغب مسح قناة السويس من الخريطه ..‏ تبقي أنت أكيد في مصر‏!‏

لو تصاحبت على جمال وعلاء مبارك .. واخذت اموال البنوك وهربت فى الخارج ..‏ تبقي أنت أكيد في مصر‏!‏

لوشفت رئيس الجمهوريه بيكذب هو وابنه ..‏ تبقي أنت أكيد في مصر‏!‏

لو شفت تحريض سرى ضد رؤساء وحكومات عربيه واجنبيه ..‏ تبقي أنت أكيد في مصر‏!‏

لو سمعت ان قاضى مزور اصبح وزير ..‏ تبقي أنت أكيد في مصر‏!‏

لو سمعت ان قاضى شريف سجن ..‏ تبقي أنت أكيد في مصر‏!‏

لو شفت تاجر مخدرات عضو فى الحزب الحاكم ونجح فى البرلمان.. تبقي أنت أكيد في مصر‏!‏

لو شفت اعضاء البرلمان ضد الشعوب التى يمثلوها تبقي أنت أكيد في مصر‏!‏

لو شفت الرئيس بيتكلم فى التلفزيون والصحف لمدة 25 سنه انجازات وهميه ..تبقي أنت أكيد في مصر‏!‏

لو شفت ملايين من الشعب تسكن فى المقابر .. تبقي أنت أكيد في مصر‏!‏

لو شفت واحد بينهب اموال الدوله بالملايين.. .. تبقي أنت أكيد في مصر‏!‏

لو شفت البقره بتضحك .. تبقي أنت أكيد في مصر‏!‏




فى النهاية

السيد الرئيس المزمن... والزعيم الاوحد... لأستمرار الجمهوريه الوراثيه...على مقاس نجله!!

فيه ايه يا ريس ؟ مالك؟ ايه الخوف دا ؟ ايه الرعب دا؟ ايه الكره الاعمى دا لشعب مصر؟ ليه كدا؟ بتعمل فى بناتنا ليه كدا؟
ليه الداخلية واقفه فى خندق ضد الشعب وبتضرب بانتقام ..حرام عليك
لماذا اعطيت تعليمات بترقية اى ضابط سيضع جزمته على رقبة اى متعاطف مع القضاه حتى ولو كان وزير؟؟؟؟

أسأل الله أن ينتقم من كل حاكم ظالم