[FiberOptics]

The_Lonley_Wolf
انت كتبت

طيب نرجع نقول كمان مرة : انا عايش فى مصر منذ مولدى و بتعامل مع المجتمع و بقعد مع مسلمين كتير و بتفرج على التلفزيون المحلى و بقرا جرايد محلية و بعرف اتكلم عربى و حوالين بيتى على الاقل 8 جوامع فى مسافة اقل من كيلومتر مربع بسمع عظاتهم كل جمعة
مصر تأكلنى الاونطة على انى جاى من هوليوود برضو؟؟؟

وانا ذنبي ايه اذا كنت انت شايف كل حاجة حواليك من زاوية واحدة ومن جانب واحد بس الي هو رؤيتك للإسلام والعالم المحيط بيك على أساس انه بيتضهدك ومش بيحبك ما انا زي زيك اهو وعايش برضه في نفس العالم والمجتمع وليا أصحاب بمعنى كلمة أصحاب أقباط ومسلمين .. وبنطلع وبنروح وبنيجي سوى وبنضحك وبنعمل كل الي بيعمله الاصدقاء في مجتمعنا .. انا ذنبي ايه اذا كنت انت مش شايف كده .. بص حاول تحب الناس الي حواليك حتلاقيهم بيحبوك
والحب والمحبة مش محتاجة دين او عقيدة عشان تتحقق انت ساعات تشوف واحد تحبه لا عشان دينه ولا عشان فلوسه مجرد انك شوفته وارتحتله
انت مسمعتش عن الحب من اول نظرة

انت كتبت

يابنى انتم اللى بتتعاملوا من منطلق دينى بحت و كل المشاكل اللى بيننا و بينكم اساسا بسبب اسلامكم تخيل لو انتم مش مسلمين كان هايبقى فى مشاكل بينكم و بين الناس كده؟؟
مش انتم اللى بتقولوا الأسلام دين و شريعة و اسلوب حياة متكامل؟

انا بتكلم على موضوعي يا استاذ .. ركز شوية في كلامي .. وسيبك من احساسك بالكراهية الي مالي عقلك قبل قلبك .. لان صدقني الموضوع مش كده خالص .. انا لما جيت كتبت موضوعي ده مكنتش جاي ادافع عن الاسلام او اسجل اعتراضي على المسيحية .. كنت جاي اقول كلمتين مهمين اوي موجودين في قاموس البشر زي الحب والمودة والمساواة والإخاء .. بس بلاقي مشاركات بترجع وتدخلني في الاسلام والمسيحية عشان اقعد افسر او اشرح وانا مش مؤهل عشان اقدر افتي .. انت ترضى انك تشرحلي حاجة في المسيحية وتكون غلط وتسيبني فاهم غلط ؟ بس اوعدك .. اني حوضحلك وافسرلك في وقت من الاوقات
وكلامك هنا مظبوط الدين الاسلامي دين لكل العصور وهو بينظم حياتنا كلها

منين انت مقتنع بالسلام مع الاخرين و بتحبه و فى نفس الوقت مقتنع بالأسلام كدين وبتطبق تعاليمه؟؟
نو جيساس أسلوبه مش عاجبك؟؟
طيب انا اللى بطلب منك اهو تفسرلنا الفتوتين الارهابيتين المذكورة أنفا
بص لو مزنوق و مش عارف تفسرهم اتحجج بأن اسلوبى غير مهذب مثلا و انك مش هاترد عليا و انك زعلان و كده و أحنا هانفهم

ايوة انا بطبق تعاليم الاسلام وبنفذها .. وفي نفس الوقت انا انسان مسالم وانسان لا يكره غيره من الناس لان تعاليم ديني تحثني على الحب وعلى المساواة
اما انت شايف ان ده مستحيل عشان فاهم الاسلام غلط ومش قادر تفهم انا مسلم ازاي وازاي بكلمك كده .. دون ان اهينك مثلا او احسسك باني بكرهك
حاول على الاقل تنسى الكراهية الي انت متخيل انها موجودة عند كل مسلم تجاهك وانا ان شاء الله ربنا يقدرني واقدر اوضحلك كل النقاط الي مش قادر تستوعبها في الاسلام

بالنسبة للفتوى الي الصديق المؤدب اوي جابهالنا انا مش حدخل في تفاصيلها دلوقت عشان الفتوى الحقيقة ان الانسان يقول لا لما ميكنش عارف او متاكد .. ومش عايزك تقول فايبر بيهرب او مزنوق .. عشان انا لو كنت حاسس اني حتنزق مكنتش حدخل هنا اصلا واتكلم بس حرجعلك ان شاء الله بتوضيح ان شاء الله قريب
بس حعلق تعليق موجز جدا كلمة كافر وهي تعني الي مش بيؤمن بوجود اله واحد لا شريك له

انت كتبت

يابنى انت عاوز تقوللى انهم هايقولولك دينك ارهابى و شيطانى كده فى وشك؟؟ هايخافوا طبعا خصوصا مع طرقكم المعروفة فى قمع الرأى و الأرهاب عموما

انت اكيد عمرك ما صاحبت شاب مسلم .. صدقني انت صعبان عليا عشان عايش بالتفكير ده

لا انا أقصد انكم بتكرهونا و انت عارف انكم بتكرهونا و لكن مع ذلك داخل تأفلم و تفهمنا أن الأسلام تمام و فل الفل
يعنى انتم عاوزين تقتلوا و تدبحوا و تنهبوا و مع ذلك مش عاوزين سمعة الأسلام تبقى منيلة بنيلة لأ كمان بالعافية عاوزين الناس تحب الأسلام !!!!!!!!!!!!!

انت مش ولد صغير عشان الي اقولك عليه تصدقه على طول من دون تفكير وانا مش داخل اقولك الاسلام تمام او مش تمام زي ما انت بتقول .. انا داخل تحديدا بتكلم عن مشاعر انسانية هي من الاهداف الاساسية لوجود كل الاديان السماوية الا وهي الحب والمساواة والاخاء والمودة والصدق .. وكل شوية بقولهم بس بتيجي انت تقولي كره وارهاب وانتم ومش عارف ايه على الاقل يا سيدي شيل كلامك ده لواحد داخل يهدد او يكره او بيسب ويشتم .. انا داخل زي ما انت شايف اهو لا بجيب في سيرة اي حد بطريقة وحشة ولا داخل اسجل كراهتي مثلا
وانت الي بتكرهني بالعافية .. ربنا يسامحك