|
عندما إنقسم الفرنسيون
لما دخل النازيين فرنسا إنقسم الفرنسيون إلى قسمين : المسئولين الكبار ودول وافقوا على التعاون مع النازى ، وقسم تانى اللى هوه ديجول ومعاه مجموعة من الضباط الصغار حبوا يستمروا فى الحرب وتوجهوا لإنجلترا ، حكومة فيشى أصدرت حكم الإعدام على ديجول ، وفى لندن ساعد الإنجليز ديجول وساعدوه فى تنظيم جيشه ، وفكروا إنهم يستولوا على مستعمرات فرنسية فى أفريقيا فقدروا يضموا تشاد ومش عارف بلد تانية ، وبعدين فكروا يستولوا على السنغال من حكومة فيشى فجهزوا حملة بحرية من فرنسيين وإنجليز وراحوا على دكار العاصمة وقرروا يعملوا إستعراض بالمراكب لكن كان فيه ضباب شديد فقربوا من الساحل علشان الناس يشوفوا المراكب فالجيش اللى بتاع حكومة فيشى فتح عليهم النار وأصابوا مركبين وديجول رفض إن فرنسسين يحاربوا فرنسيين وفشلت الحملة
مش عارف إيه التطورات اللى حصلت بعد كده ، لكن نقدرنشوف إن كان فيه زى حرب بين الفرنسيين للخلاف على الموقف من الإحتلال النازى
ونفس الموقف بنشوفه فى بلاد كثيرة وهو الحرب الأهلية يعنى فى العراق مثلا فيه زى حرب بين المؤيدين والمعارضين للوجود الأمريكى ، فى الشيشان برضه بالنسبة للروس ، فممكن بالنسبة للأقباط تحصل زى حرب بين الإتجاهين الموجودين : إتجاه التعاون مع المسلمين وإتجاه مهاجمة الدين الإسلامى وإسلوب الحكم الإسلامى ، وده اللى بيسموه هنا فى المنتدى حزب الفكر وحزب المكر .. يعنى إتجاهين والعبرة بالنتيجة والنجاح وما يحدث فى الواقع
بالنسبة للحرب الأهلية فكانت موجودة فى بلاد كتيرة : فى إنجلترا وفرنسا وأمريكا .. إلخ
|