يادى الليلة اللى مش فايته.. يا عم ارحمنى أنا راجل غلبان
بص يا صعيدى.. أنا كنت زيك كدا لحد ما اتعلمت من واحد حكمة جميلة جدا.. فادتنى جدا فى حياتى من أول الشغل لحد علاقتى باسرتى
"الجواب اللين يصرف الغضب.. والجواب الجاف يهيج السخط" (بالمناسبة دى آية بس سيبك من الإنجيل عايزين واقع نفهمه مش كلام نحفظه زى بتوع الكتاتيب)
ده معناه ان ردك ممكن يخلى اللى قدامك لو كان زعلان منك.. يصالحك... وممكن لو كان مش زعلان منك.. يتخنق منك
يعنى مثلا هاديلك مثال: واحد مسحوب من لسانه زيك قال لى يا صعيدى
انا ممكن أرد عليه وأقوله
"أنا كنت صعيدى بس اتعالجت"
واروح هابد كام وش تعبيرى من اللى بيضحكوا لوحدهم دول..
(كده أنا ردى رغم انه خفيف الظل.. لكنه جاف.. مهيج للسخط)
لو رديت عليه وقلتله
"نعم أنا صعيدى متحجر الفكر.. ويشرفنى أن اتعلم منك المرونة الفكرية"
(كده رغم ان ردى بالفصحى ومكلكع.. لكنه لين.. يصرف الغضب.. زى ما بيقولوا بالبلدى كدا "ثبته")
شفت الآية الصغنونة دى تسوى ايه؟ تسوى دراسة شديدة فى علم النفس.. تسوى خبرة واد برم لافف نص البلد حوالين صوابعه..
من الصعيدى السوهاجى إلى الصعيدى الأسيوطى.. فهمت حاجة يا بو خالوه؟
