|
تابع الدستور : كل ده يطلع منك يا صاحبي !
انا معظم اصحابي من كليه الشرطه انتيمي بيحكيلي موقف حصل معاه اثر فيا جدا كان راكب عربيتخ هو واتنين صحابه وزمايله في الكليه وماشي مخالف وسواق ماشي في طريقه طالع من شارع جانبي كان هيخبطهم بس ربنا ستر
المهم انه كان بيزعق ويقوله مش تفتح طبعا صاحبنا دمه فار وازاي يقول للباشا كده
ونزلوا من العربيه وهجموا علي السواق وهاتك ياضرب وشتايم بقي ايه مش طلبه كليه شرطه !!!
طبعا السواق قعد يعيط ويقول هروح القسم................... وهكتب بلاغ
طبعا واحد منهم قاله روح يابن الوسخه اكتب قولهه فلان بيه ضربني
طبعا صاحبي بيحكيلي وبيقولي ال*** فاكر ان القسم حيحميه
المهم السواق طلع علي القسم وهما وراه وطبعا السواق جري علي ملازم وقاله ضربوني يابيه وهو بيعيط لحد ما المخبرين خدوه من قدام الملازم وطلعوه لنائب المامور
عقيد هو السواق فضل يعيطله ويقوله ضربوني يابيه وقالولي يابن الوسخه انا امي وسخه يابيه
المامور اتكلم معاهم وبعدين قاله هما مش ظباط ... قاله اه وهو زعلان
فقام العقيد وقاله يبقي امك وسخه ونزل فوقه ضرب ومعاه المخبرين
وطبعا صاحبي بيحكيلي وهو فرحان بالانتصار العظيم علي السواق الشرير الوحش
فسالته حقكم قانونا انكم تعملوا كده ......ز رد وقالي ربنا يخلي قانون الطواريء
نقلت الدستور عن موقع كتكوت
وشكرا
|