[godhelpcopts]

شهادة خطيرة من ضابط مصرى بالقوات المسلحة



تسلمنا شهادة خطيرة من ضابط مصرى بالقوات المسلحة عن الدمار و الأفساد و الفساد الذى أصابها كسياسة مبارك لإضعافها حتى لا تهدد وجودة الا نهائى بالحكم و لا يهم الأمن القومى أو الدفاع عن البلاد

أين إذا تذهب البلايين التى تصرف على السلاح و القوات المسلحة كل عام و يحصل مبارك بمقتضاها على تفويض مفتوح من قوادى مجلس الشعب؟؟؟ الى الحسابات السرية لمبارك و عيلتة المجرمة المنحلة!!!




"السلام عليكم

انا ضابط فى الجيش وعاوز اسجل هذة الشهادة

تخرجت والتحقت بالعمل ووجدت الاتى:

وحدات الجيش اقرب ماتكوت الى المعتقلات

المعدات معظمها متهالك الفلوس المخصصة للاصلاح والتجديد بواقع قروش ذهيدة سنويا واللة العظيم ما بهرج. بقول الواقع طبعا فلوس صغيرة تشترى اسوأ قطع غيار

خطط تدريب عظيمة بس على الورق لاتوجد على الواقع

اقسم بجلال اللة حضرت استعراض طابور حرب اصطفت بة الاسلحة والمعدات وكان فيها معدات واقفة من غير محركات وكان الوزير الحالى هوا الموجود و أدركت الى اين وصلنا

من الاخر لابد تكون رقاص ومساح جوخ علشان توصل وكإن القاعدة لطريقك الصحيح هى النفاق وخداع الشعب. أقسم باللة العلى العظيم ماوجدت ضابط مخلص للبلد الا وطلعوة معاش متسغربش تعامل القيادة السياسية الضباط على انهم ناس يمكنهم قلب الحكم لذا يجب ازلالهم من اختلاق اعمال بحيث الضابط يحرم من اولادة من 30 يوما الى اكثر و قد تصل الى 45 يوما

مرتبات لاتناسب المعيشة حتى ان بعض الضباط اقترح ان يضاف الى المرتب بدل إذلال

وزيادة فى إذلال كرامة الضباط يتم القبض عليهم فى الشوارع علشان ماشى على رجلية بعد الساعة 9صباحا

تخيل ضابط مطلوب منة أن يدافع ويموت فى سبيل الدفاع عن كرامة مصر تتبعتر كرامتة كدة باللة عليكم دة ممكن يعمل اية

الضباط المحترمة توصلت الى الاتى اذا كنت ضابط محترم اكيد هتطلع معاش ويبقى الحلنجى بس

لو لم تصدقون موضوع القبض على الضباط إذهبوا الى كوبرى القبة ستجدون مينى باص أحمر أو أزرق مستوبيشى روزا راكب فية عميد وعمال يلف علشان يلاقى حد يقبض علية

--تعرفوا لو طلع العميد محترم

ومقبضش على حد بتهمة الترجل أيوة تهمة الترجل

يروح اخر النهار يسلم التقرير يطلعوا ميتين امة ويهزأوة

المهم تخيلوا ان اى خبير امريكى واللة مايسوى 3 مليم ممكن يدخل اى وحدة كما يحلو لة يعنى

الامريكان عارفين كل حاجة عن الجيش

ومعداتهم مرصودة واللة العظيم ان مجدى حتاتة دة كان راجل محترم علشان كدة معمرش فى الجيش

فى أحد امناورات العسكرية قال للضباط استخدمو البوصلة وبلاش تعتمدو على القمر الصناعى علشان دول سعة الجد هيوقفوة ويرصدونا

المهم ان أليس الريس دائما عامل نفسة مش عارف ال بيحصل علشان يكون ديما هوا الافضل ويقول اية دة معقولة وزير الدفاع يعمل كدة دة وحش غيروة هاتو واحد تانى

والناس تقول هياة هياة يعيش الريس مع العلم ان الجيش فاهم وعارف ان دى اوامر الرس و هى ذلوهم علشان ميقفوش

تعرفوا ان وزير الدفاع الحالى بقالة من سنة 91 يعنى حوالى 15 سنة

والريس بيقول علية افضل وزير دفاع جة من عصر تحتمس دة مش تهريج فعلا بيقول كدة

لكى اللة يامصر ومستنى اليوم اللى أشوف فية المحترمين هما اللى يقودوا الجيش المصرى

تعرف انا نفسى فى اليوم الذى تتحرر فية البلد دى ونحط كل الخونة فى قفص زى القرد فى ميدان رمسيس ويجى كل المقهورين يرموهم بزلط

إدعى معايا اشوف اليوم دة