|
لا صوت يعلو فوق صوت المعركة
س : هوه إيه حكاية إن لا صوت يعلو فوق صوت المعركة ؟
ص : فى مصر وألا أمريكا ؟
س : فى مصر
ص : يعنى المعركة مستمرة
س : أى معركة ؟
ص : معركة السرقة
س : طيب والمعركة دى هتستمر لحد إمتى ؟
ص : لحد ما تخلص الفلوس
س : والفلوس لسه ماخلصتش ؟
ص : الفلوس خلصت من نواحى ومازالت موجودة فى نواحى أخرى
س : والمعركة هتنتهى إمتى ؟
ص : لما تخلص كل الفلوس من كل المصادر
س : زى إيه ؟
ص : يعنى الأول بتخلص الفلوس الواردة من نواحى إنتاجية ، وبعدين تخلص فلوس القروض وبعدين يبيعوا ممتلكاتهم ( وهى أصلاً مسروقات ) ويخلصوا فلوسها ، وبعدين يخلصوا فلوس البنوك ( اللى هى فلوس مودعة عندهم ) وفلوس المعاشات
س : بس النظام مازال مستمر !!
ص : النظام هيفضل مستمر طالما إنه قادر يدبر فلوس ( من أى مصدر ) لدفع مصاريف التعليم والمرتبات والمعاشات ، لكن لما يستنزف كل الموارد ويعجز عن دفع الفلوس فلازم هيتغير
س : لكن ممكن يخلقوا موارد جديدة
ص : ممكن السياحة الدينية المسيحية تكبر وتشكل دخل كويس ، وممكن يعملوا زى تايلاند ويبيعوا اللحم الأبيض ، لكن الحاجات دى هتأخر النهاية لكن مش هتمنعها
س : والنهاية هتيجىء إمتى ؟
ص : مش عارف لكن ممكن بعد جيل أو فى حدود 40 سنة
|