|
صحيح،
عم "س" قاعد فى الصعيد جنبه البقرة اللى حيلته بعد ما هدوا بيته و أحرقوا محصوله، قصته منتشرة فى أكثر من 100 موقع و لديه أكثر من 1000 رد من أعضاء المنتديات اللى قصته اتطرحت فيها، تم عقد مؤتمر لأخذ حق عم "س" و بعده 3 ندوات عن الصعيد و الاضطهاد اللى فى قرية "س" و بعدها تم عمل يوم رياضى لشباب Boston يشرحولهم قد ايه عم "س" تعبان فى حياته و كل الناس صعب عليهم عم "س" الغلبان
و لكن...
عم "س" ما بيعرفش يقرأ و يكتب و لا يعرف ولا الكمبيوتر و لا الانترنت
عم "س" لم و لن يسمع عن المؤتمر اللى اتعمل علشانه عشان معندوش وسيلة يعرف بيها اللى بيحصل فى القرية اللى هوا فيها
عم "س" لم يحضر الندوات و لم يعطى شهادة حياة للآخرين
عم "س" ما يعرفش شباب Boston و ما يفرقش معاه أى واحد منهم لأنه يدوب يسمع عن حاجة اسمها أمريكا
عم "س" لسة قاعد مع بقرته اللى حيلته فى الطل بدون سقف يحميه من البرد و المطر، بدون حصيرة تحميه من روماتيزم الأرض الرطبة، و بدون قوت يمده بالنشاط و القدرة على الحركة بينما احنا عمالين نتكلم و نتكلم من غير ما نعمل حاجة للراجل المسكين ده
يبقى ده برضه اسمه كلام يا ناس؟؟
آخر تعديل بواسطة bemoi ، 21-11-2006 الساعة 12:46 PM
|