امل مقتول ان ولدى يعيش فى دولة حضارية
امل موجود انى اخليه يبعد عن بلد اتملت من الافكار الوهابية
امل بيموت ان ولدى يفضل عايش فى بلد سايرة للهاوية
ولدى فى يوم جانى ودموعه لسه محفورة فى وجدانى
قاللى يابوى بيسبونا وبيدبحونا ولو يقدروا عايزين يفنونا
بيقولونا انتم قردة وخنازير وعن دينهم وشروره غفلانين
وخايف خايف ارد واتكلم واصرخ وصرختى جوايا بتتألم
قاللى يابوى ديه بلدنا ولا احنا ضيوف
ده احنا صنعنا الحضارة قبليهم من الوف
ليه ساكتين على الذل وراضيين
ليه للخضوع والهوان فرحانين
معقولة الف وربعمية من الزمان مضطهدين
وراح ابنى يبكى ويزيد ويقول :
ليه مانقفش وقفة قوية
ليه مانرفضش العبودية
احنا مش احرار ولا ايه يابوى
جه دورى علشان ارد واتكلم وصرخته جوايا عايزة تنتفض وتتكلم ولكن ..
عايز اقول له الصرخة دفناها جوانا من سنين
ومش هااقدر اصرخها ولو اتدبحت قدامى وخلينا يابنى ساكتين.....
