[AleXawy]

لقد ظللت معظم سنوات الطفولة أتعجب من هذا الدعاء الذى لا أفهمه.
فى كل مناسبة تدخل المرأة الجارة أو القريبة فى يدها رموز المجاملة. حناء، سكر، شاى، صابون، تطلق زغرودتها فى وجه العروس على أضواء اللمبات الخافتة المدخنة وتعقب زغرودتها بالدعاء الخالد
"بالعمارة والتمارة وجيزة النـصـاري"
يارب ماذا يقُلن؟ كيف أنا منهن وربيت على حجورهن ولغتى لغتهن ولا أعلم ولا أفهم ماذا يقلن رغم تكرار الدعاء أمام أذنى عشرات المرات " بالعمارة والتمارة وجيزة النـصـاري"
يوماً سألت فاطنة قنديل عن ماهية هذه العمارة ومعنى كلمة التمارة وما دخل النـصـاري فى كل هذا التغريب
وبدأت تشرح:
يا ولدى طبعاً ده جواز واللى يجوز بنته بيبقى خايف واللى زينا لازم يطمنه علشان كدة بنقوله الكلمات دول عشان يتطمنوا وفى نفس الوقت دعاء علشان ربنا يوفقهم ويثبت قلوبهم على الود والعشرة والجوازة تدوم
نمسكهم واحدة واحدة بالترتيب، بالعمارة.. يعنى عليهم وعلى الله ( عمار الديار) يعنى يعيشوا ويعمروا البيت.. بايه؟ طبعاً بالخلفة الصالحة لأن الخلفة وحس العيال فى البيت هى اللى تعمر الدار.. البيت اللى من غير خلفة فقرى وزى القبر ساكت لا ضحكة ولا تبكوة ولاياما ولايابا.. أدى العمارة والتمارة أن الوحدة اللى خدها جوزها عشان يعولها ويأكلها ويشربها يتمر فيها العيش والمعروف وتقابل المعروف بالمعروف.. وهى دى يا ولدى التمارة.
ويسأل الأبنودى " طب و ( جيزة النـصـاري ) وايه اللى دخل النـصـاري فى الحكاية ولا هية عشان السجع تمارة وعمارة والنـصـاري وكدة يعنى..."
تغضب فاطمة قنديل من السخرية المختبئة وتقول:
" اهى اللى بتضحك عليها دى أهم حاجة فى التلاتة "
أنها دعاء لله علشان مايكسرش المحبة وتدوم الجوازة.. ده دعاء بعدم الطلاق.. لأن الالنـصـاري ياولدى ما بيطلقوش.. اللى خدها هى اللى خدها.. هية اللى هتتشعلق فى رقبته طول العمر.. زعلوا من بعض.. أتقندلوا.. راحو.. جُم.. أخرتها لبعض عشان معندهمش طلاق.. فأحنا بنتمنى للواد والبت اللى هيتجوزوا أن جوازهم يبقى ( جيزة النـصـاري ) يعنى جواز دايم علطول مايتكسرش ولافيش حاجة تعطله
ومادام عمرت الدار وخلفت عيال ومادام تمر فيها المعروف وبقت تخاف على حاجة جوزها وماله وعياله لازم الجوازة هتدوم زى جوازات النـصـاري.
عشان كدة ما فيش غيرها فى حنكنا لما بندخل على اى فرح على طول نهلل
" بالعمارة والتمارة وجيزة النـصـاري"
" فهمت..."
بهذه الكلمة المُوحية ( فهمت..!! )انهت فاطمة قنديل شرحها لأحوال الأقباط فى الزواج والطلاق عبر ذلك الدعاء او المثل البليغ وحتى مع كونك مثقف عزيزى القارىء فاننى اضع رهانتى انك لا تستطيع - ولا استطيع انا ايضاً - ان تشرح المثل ولا ان تُصيغ كلماتك فى شرحة بصورة اروع من تلك التى اتت بها فاطمة قنديل فقد بلغت القمة فى البساطة والبلاغة العامية - إن كان للعامية بلاغة -
وحتى مع كونك مثقف عزيزى القارىء فاننى اضع رهانتى انك لا تستطيع - ولا استطيع انا ايضاً - ان تشرح المثل ولا ان تُصيغ كلماتك فى شرحة بصورة اروع من تلك التى اتت بها فاطمة قنديل فقد بلغت القمة فى البساطة والبلاغة العامية - إن كان للعامية بلاغة -
وعلى سبيل الأستطراد الموضوعى جدير بنا ان نذكر ذلك المثل الشعبى الذى اورده العلامة المحقق ( أحمد تيمور باشا ) فى كتابه ( الأمثال الشعبية - مشروحة ومرتبة حسب الحرف الأول مع كشاف موضوعي - )
يقول المثل ( جوازة نصرانية لا فراق الا بالخناق)
وقد قال فيه.. جوازة مُحرفة عن الزواج بالقلب. والخناق ( بضم اوله وتشديد ثانيه ) يريدون بها الموت... يضرب للشىء يلازم الشىء ولا ينفك عنه وشبهوا هذه الحالة بالزواج عند النـصـاري لانه لا طلاق فيه ومن الكنايات قولهم ( جوازة النـصـاري)
وقد ذُكر نفس المثل فى عدد كبير من موسوعات الأمثال الشعبية اللبنانية بعد ترجمة كلمة ( جوازة ) لبنانياً إلى (جازة)
( جازة نصرانية لا فراق الا باخناق)
Achristian Marriage : No Separation Except By Shoking
( too Dificult For a Christian to get a divorce in Lebanon )
وسوف نتحدث عن هذا المثال بصورة مُستقلة فى سلسلتنا هذه ان شاء الرب وعشنا ولا نحتاج هنا ان نقول ان الزواج والطلاق فى العقيدة المسيحية له مفهوم مختلف يميزه عن المفاهيم الاخرى للزواج فى الثقافات المختلفة فوفقًا لما ورد فى إنجيل متي الاصحاح الخامس الآية رقم 21 "وقيل من طلق امرأته فليعطها كتاب طلاق وأما انا فاقول لكم إن من طلق امرأته إلا لعلّة الزنى يجعلها تزني ومن يتزوج مطلقة فإنه يزنى "
فى المسيحية يتم الزواج برباط من الله، فهو رباط مقدس لا يستطيع إنسان أن يفرقه و لا يحل للرجل أن يطلق إمرأته إلا لعلة الزنى، و من يتزوج مطلقة يصبـح زانيـاً. لأنهـا أمام الله لا زالت مرتبطة بزوجها الأول
قلنا اننا لا نحتاج ان نقول ذلك ولن نقول: لا انا بل نعمة الله التى معى.


جورج شكرى
George02002@gmail.com