|
محاورة
س : مش هنا منتدى الأقباط ؟
ص : آه
س : والأقباط .. مش كلهم مسيحيين ؟
ص : آه
س : طيب ليه لما بيتكتب إسم المسيح فى موضوع فى المنتدى العام بينقلوه للقسم الدينى ؟
ص : لأن العلمانية كده .. ممنوع يذكر فى المجتمع العام أى شىء عن الدين
س : طيب ما هو المسيح إنسان ؟
ص : آه .. بس إنسان كامل .. والمجتمع العام أو المنتدى العام بيتكلم عن الإنسان العادى وليس الإنسان الكامل
س : طيب ما هو الإنسان الكامل مثل أعلى للإنسان العادى علشان يستفيد منه ، وسلوكه يرتقى ويفيد المجتمع ، والمجتمع يبقى فيه مميزات أكثر
ص : لا .. إحنا عاوزين الإنسان العادى بشوكه بعبله ببلاويه
س : طيب الإنسان العادى ده بلاويه كثيرة وهيبهدل المجتمع
ص : مش مهم .. المهم ما حدش يفرض عليه شىء ويبقى حر
س : يعنى المهم نريح الناس بنزع المثل الأعلى من أمامهم
ص : آه .. هوه كده .. العلمانية عاوزة تريح الناس ، وبتمنع ظهور الإنسان الكامل علشان الإنسان الناقص ما يتضايقش
س : يعنى عاوزين يحجزوا المسيح فى مساحة محددة لايخرج عنها
ص : آه
س : مش هيقدروا
ص : لا .. هيقدروا
س : هنشوف
|