|
اولا احب اهني الشىء المحترم بتاع الجزمه القديمه علي اخلاقه وادب الحوار اللي بيتمتع بيه
ثانيا الفيديو اللي العضو شارك بيه قديم جدا كل اللي شافوه عارفين ان ده كان جاسوس يعني متحالف ومتخابر مع جهات اجنبيه بصرف النظر عن كونها
وعقوبه الخيانه العظمي في اغلب الدساتيرعلي مستوي العالم هي الاعدام وده مش معناه اني موافق علي الطريقه اللي تم بيها اعدامه لكن تعددت الاسباب والموت واحد
ثالثا مش كون الجماعه اللي قامت بتنفيذ الاعدام بتردد عبارات تكبير اسلاميه
يعني او يدل علي ان هو ده الاسلام او ان المسلمين راضين عن هذا التصرف
رابعا بكل صدق ولا يعنيني اقتناعكم او عدمه الاسلام صورته فعلا مكونه بشكل غير حقيقي في عقول ونفوس غير المسلمين في كل انحاء العالم خصوصا من خلال الميديا الغربيه ودورها في التغذيه المزيفه لاحداث واخبار خاصه بالشرق الاوسط والمسلمين والعمل علي نشرها دوليا وبنفس الصوره المشوهه
خامسا ردا علي احد الاراء بموضوع تم نشره بالمنتدي اواغلبها بصفه عامه
اني عمري ماشوفت ولا سمعت عن مسلم بيحاول يدور او يوجع دماغه بالبحث عن نقاط ضعف او ثغرات في الدين المسيحي طبعا الاسباب يطول شرحها والكلام فيها
بس ابسطها ان الكل مقتنع بصدق دينه وقوته وعدم الحاجه لأضعاف او زلزله اديان اخري علشان يعود علي دينه باي تغذيه عكسيه غير مباشره من اي نوع
اما بخصوص الاقليات اللي بتفرحوا بتنصيرهم فانتو عارفين هم مين ومنين وبتختاروهم ازاي واه امكاناتهم العلميه والفكريه ومستوي استقرارهم النفسي والعقائدى الي جانب الحاجه الماديه اللي طبعا بيتم تغذيتها بشكل مرضي الي حد ما
سادسا بالنسبه لحدوته قبل النوم اللي اتحكت عن الشيخ المصري اللي بنته كانت عيانه ونامت وصحيت لقيت نفسها سليمه وابوها اتنصر ونصرها لنفس السبب وهي انها خفت في نقد واحد بس هو ان الحبكه الدراميه مش غنيه وقويه علشان حد يقراها تاني
سابعا واخيرا احب اقول ان اسواء كداب هو اللي بيكدب علي نفسه وبعدين يصدق كدبته وده طبعا قمه الاختلال وكلنا كلنا في انتظار يوم لا ريب فيه وساعتها بس هيقول الكافر ياليتني كنت ترابا
|