مساكين شلة الملالى ، موش متخيلين أن فيه طيارات هتدخل زى السكين فى الزبدة من غير الرادار ما يحس بيها لا وهى داخلة ولا حتى وهى خارجة .
وهتضرب نووى وغير نووى قبل ما يكملوا ركعتين لله ، أو حتى يكملوا آية القرآن إللى بتقول ’ ويخلق ( الكفار ) ما لا تعلمون ‘ .
ودفاعهم الجوى هو إللى هيبقى زى البطة المشوية فى ظرف ساعات أو جايز دقائق ، ده غير الحرس الثورى وكل حفلة المشويات وصنوفها إللى تفتح النفس .


المهم ، ما علينا ! بعد كام يوم بدأوا نغمة جديدة بجد :
ضرب مصالح أميركا حول العالم . إرهاب يعنى !

بعبارة تانى استوعبوا أن مصيرهم موش راح يفرق كتير
عن مصير حبيبهم القديم صدام !

وبدأت أميركا تتحرك فى قرار للعقوبات ، مع توضيح بأنها ستمضى فى بناء حلف لضرب إيران حتى بدون قرارات من مجلس الأمن .
يعنى رسالة مسبقة لتأديب موسكو باعتباره هدف فى حد ذاته . روسيا إللى دلوقت بتولول زى فريد شوقى بتاع فيلم الأبطال وتقول ’ ضاعت فلوسك يا صابر ! ‘ ، فالمفاعلات هتنضرب وتمنها لسه ما اندفعش .