العيب مش فى الاسلام او المسيحيه
كأديان ولا عندى ولا عندك
العيب عند الجماعه اللى بيطبقوا تعاليم دينهم غلط
مثلا الجماعت الاسلاميه بيقولوا على غير المسلمين كفار طيب
ايه رايك انهم بيحاربونا احنا كمان وويدعونا بالكفر
حتى لدرجه ان الواحد لو ما مشى على خطاهم بالضبط هو كافر
بالنسبه لهم ويستحق القتل
مش حاولوا يقتلوا نجيب محفوظ وقتلوا فرج فوده وحاولوا مع الجدع
اللى فى هولندا حا ليا؟
مش انتم بس اللى زهقانين منهم احنا اكتر منكم
بل تكون مصيبتنا اكثر لان منهم اخى وابنى وابن عمى الخ
ألم يفجروا مدرسه ابتدائيه بالقاهره؟ يدرس بها ابنى وابنك؟

ومع الاسف هذه الظواهر ستنتشر اكثر واكثر بسبب سهوله
الاتصالات والنشر على النت والفضائيات وغيرها

صدقونى حينا كنت فى مصر تعرفت على رجل واسمه سليمان عوض الله
واصبحنا اصدقا جدا ولم اعرف انه مسيحي الا بعد 3 سنوات على صداقتنا وللان بيننا معاملات ماليه و2 مسلمين اخرين عمرنا ما نظرنا له على انه مسيحى ودايما زوجته وابنته عندما يكونا بامريكا فهم عندى بالمنزل مع العلم بان منزل ابن عمها لايبعد اكثر من 10 اميال
وده مش انا بس
كتير جدا حصل لهم نفس موقفى
ونيجي نعتب على واحد مسلم تقوله مايصحش اللى بيحصل ده
يقولك المسيحيين هما اللى بدأوا ويدليك 100 دليل وتقول نفس الكلام لمسيحى
يقولك المسلمين هما اللى بدأوا وعنده 100000 دليل يعنى احنا بنلف وندوور فى حلقه مفرغه
واحد الان بعد ما يقراء الكلام ده راح يرد ويقولى يا عم عنتر العيب فى
تعاليم محمد ال كذا وكذاو بنت ابن خاله مرات عمى كانت ماشيه فى
شارع الترعه البولاقيه واحد شد الصليب من صدرها سنه 1905
مافتكرش بقى لما جارتهم المسلمه دخلت عليهم بطبق قطايف والا كنافه
فى رمضان؟ وايضا ماافتكرش لما امه دخلت على جيرانهم المسلمين
بطبق طعميه وحزمه كُرات وسلطانيه فول نابت فى الجمعه العظيمه؟
بلاش كده مين فينا ما دخلش جمعيه مع مسلمين ومسيحيين فى مصر
مع الجيران وللان لسه بيحصل؟
انا عارف ان المنتدى هو بمثابه مكان للكل ان يطلق صرخه احتجاج
بس المصيبه تلاقى الوحد من دوول يقول هاتو اجدع مسلم وانا اعمل فيه
كذا وكذا
بلاش ناخد الكل بذنب قله المسلمين حوالى مليار و200 مليون
خلى يكون منهم مليون ارهابى 100 مليون
ليه نعاقب الباقى بسبب قله ضاله؟