[elmafdy]

اختى العزيزه داليا

احييكى تلات اربع عشر خمساتشر مره على ردك الرائع , و الذى أثبت لى أننى كنت محقا حينما اعتبرتك نموذج لصديقه و أخت ناضجه متفتحه رائعه , اما أسبابى فى ذلك فهى كالأتى . . .

أولا فهمتى رسالتى تماما وفهمتى ما بين السطور و كان ردك عليها احكم رد يمكن أن يقال , فالمعتاد أمام مداخله مستفزه كمداخلتى أن تفقد بنات حواء اعصابهن و تتواتر علي الردود الحاده القويه التى تهاجم و تسب و تلعن , و كنت وقتها سأعتبر هذه الردود قرينه تثبت رأيى فى البنات و تؤكد انهن يفتقدن الحكمه و الموضوعيه , و لكنك - اتصرفتى بمعلمه - و رديتى بهدوء و حكمه خلونى ازداد اعجابا بعقلك و نضجك .

ثانيا رغم ان ردك هادئ و حكيم , لكنك برضه قلتى فيه رأيك , مش كده وبس , لكن قلبتى الترابيزه عليا لما اتهمتينى انى منتمى للفكر المتخلف اللى بيعتبر المرأه مخلوق ناقص و اقل من الراجل , و أنا طبعا لا أؤمن بهذا الرأى و بل و من أكثر الرافضين له , و ان كان لى فى نفس الوقت رأيى الخاص فى اختلاف الرجل عن المرأه و اعدك ان نفتح موضوعا خاصا فى منتدى المرأه على سبيل المثال او المنتدى الاجتماعى لأشرح لكى فيه رأيى و اسمع تعليقك عليه .

ثالثا كنتى لماحه و قروبه لما قريتينى و فهمتى انا اقصد ايه فى ردى على اخى لونلى ولف , و الحقيقه ان اتفق معاكى ان المصريات فيه منهم كده برضه , بس مش متفق معاكى انهم كتير , الجيل ده أغلبه مضروب , صينى , فيه حاجات مظبوطه طبعا و واخده حقها بس دول مش كتير , و ان كان على اللى بنشوفه فى الشوارع حوالينا فربنا يخلى لنا كل وسائل الخداع و التظبيط من بيوتى كير لملابس مخصوصه لحاجات تانيه , و كله فى الاخر لغاية ما ييجى واحد غلبان على نياته يشيل و يتجوز و فى الاخر يكتشف الحقيقه , بس ها يروح فين , ما خلاص , عموما ما حدش بياخد اكتر من نصيبه و ربنا أمر بالستر بقى , و خلينا اخوات احسن .

كل سنه و انتى طيبه

المفدى