|
نص الفلوس دى ان ما كانش تلات ارباعها جاى من فلوس المعونات اللى بتييجى لمصر من الغرب ..
ياجماعة انا نفسى نعمل نشرة او بيان يتبعت للمنظمات المسئولة عن المعونات نوصل فيها صوت الشعب نفسة ونعرفهم ان الفلوس اللى بتييجى معونة للبلد بتدخل البلد وبتطلع فى نفس اليوم او تانى يوم على بنوك سويسرا واوربا فى الحسابات الشخصية لكبار رجال الدولة . يعنى هما بيدوا البلد معونات ما بتروحش للشعب اصلاً وكأنهم بيدفعوها لفرد بعينة والشعب مش بيشوف منها ساغ !!!
شعب مصر كله لازم يطلع صوته ويقول احنا مش لاقييـــــــن ناكـــــــل . احنا بناكل تراب لأن رغيف العيش النضيف غالى علينا . يقولوا احنا مش عارفيين نعلم ولادنا تعليم نضيف لأننا بنشحت ومش لاقيين حتى اللى نشحته ..
نعرفهم انهم بيساعدوا بالمعونات اللى بيدوهالنا دى على تضخم كروش ناس بعينها بينما الشعب لا ينالة اى مليم من اموال هذه المعونات والبلد ما بيحصلش فيها اى اصلاحات ولسة خربانة زى ماهيا ولا فيه مواصلات ولا تعليم ولا اكل ولا نظام ادارى ولا اى شىء .. نقول قد ايه احنا تعبانين وبنموت كل يوم وكل ساعة ومالناش ديه ..
ربنا يرحمنا بقى ..
|