|
أظرف ما قرأت عن فتوى إرضاع الكبير
أظرف ما قرأت عن فتوى إرضاع الكبير مقال بقلم الكاتب " محمدعمر" بجريدة أخبار اليوم وهو عباره عن ديالوج يدور بين رئيس مصلحه وسكرتيره الخاص .. فيقول محمد عمر :
بمجرد أن دخل رئيس المصلحه الى مكتبه فوجئ بسكرتيره الخاص يدخل عليه مسرعا فيقول له
رئيس المصلحه : خير ياعبده أفندى
السكرتير : خير يافندم ..بعد إذنك فى موضوع كده مستعجل شويه
رئيس المصلحه : قول
السكرتير: يافندم الموظفين
رئيس المصلحه : مالهم
السكرتير :مبطلين شغل لغاية ما يعرفوا هانعمل إيه فى موضوع الرضاعه
رئيس المصلحه : طيب وأنا مالى ... هو أنا اللى هارضعهم ... شوف بقية الوزرات عملوا إيه وأعملوا زيهم
السكرتير : يافندم سألت ولغاية دلوقت كل الوزارات محتاره ومحدش خد قرار .. والموظفين راسهم وألف سيف ماهم شغالين إلا لما نطبق الفتوى
رئيس المصلحه : خلاص طبقوها
السكرتير : أيوه يافندم بس العدد كبير والحكايه هاتبقى هيصه .. ومعندناش موظفات يقضوا كل دول
رئيس المصلحه : طيب خلاص سيبنى شويه وبعدين تعالى .
وبعد نصف ساعه إستدعى رئيس المصلحه سكرتيره وقال له .. إكتب منشور عام :-
- الرضاعه من الساعه الثامنه وحتى التاسعه والنصف صباحا .. وتوفيرا للوقت
والجهد يمكن للزميلات إرضاع إثنين فى وقت واحد .
- أقصى مده لرضاعة الموظف 5 دقائق ويستثنى من ذلك مدير المصلحه اللى هوأنا
فمن حقه ربع ساعه .
- كل موظف تتم رضاعته يغمس بقه فى الحبر الفسفورى منعا لإستهبال الموظفين
اللى بياكلوا وينكروا .
- على الموظف اللى حيرضع الإلتزام بناحيه واحده .
- تلتزم الزميلات بالمحافظه على مصادر التغذيه وبإرضاع موظفى ادارتهم فقط .
- من حق الموظف طلب إستبدال مرضعته بعد تحديد السبب " القهرى " لطلبه ولا
يتم الإستبدال إلا بعد عرض المرضعه بإمكانياتها على مدير المصلحه للتأكد بنفسه
من صحة الشكوى .
- محظور تماما التحدث لوسائل الإعلام عن شكل وإمكانيات المرضعات حفاظا على
سرية الرضاعه وعلى المخزون الذى لدينا .
.. يتوجه السكرتير لتعليق المنشور ولكنه قبل أن يغلق الباب خلفه يعود مره أخرى ليقول .. يافندم سيادتك نسيت حاجه مهمه
فيقول له المدير: إيه تانى ؟
السكرتير : حنعمل إيه مع الجمهور اللى بتتعامل معاه الموظفات ؟
المدير : بسيطه نفتح لهم منافذ رضاعه ونحط موظفه على كل شباك ..بس قولهم يشدوا حيلهم شويه مش عاوزين طوابير .
آخر تعديل بواسطة mena-gerges ، 11-06-2007 الساعة 05:05 PM
|