|
يا عماد أفندى إنت بتقول إن لو المداخلات بتاعة أخونا نزلت زيت من الشاشة هنقول آية تشكن
لا يا سيدى
هنقول فرايد تشيكن
ها ها
هدوا أعصابكم شوية يا جماعة - من فضلكم إحنا بس بنعرض آراء - إحنا فى الواقع ما بنعملش حاجة ((ولا حاجة للأسف )) - إنتم بتستخدموا كلمة نساند و نقف مع و نؤيد و لكن الواقع الفعلى إننا بنكتب آراءنا بس - و اللى مش مصدقنى يشوف الكلام اللى إنكتب ساعة الهجوم على دير الأنبا أنطونيوس و الا أخيرا على دير الباتموس - اللى يشوف الكلام يقول إحنا هنهد الدنيا - و اللى بيحصل إن ناس كتير بعد ما تكتب الكلام الملتهب بتدوس على ستارت و شات داون و تصبحوا على خير...... و إنتم من أهله!
اللى لسه صاحى بقى نؤكد له مرة تانية إن إحنا ما نقبلش و ما نرضاش أبدا بالغلط فى سيدنا لإنه بجد حبيبنا كلنا و علشان كده اللى بيقوله بينسمع لكن هو نفسه لا بمنع إننا نسجل عدم موافقتنا معاه فى موضوع من المواضيع
يا ميراج أفندى عدو عدوى ليس بالضرورة صديقى لأن تقييمه يعتمد على علاقته بى و مواقفه منى يعنى ممكن يكون إختلافه مع عدوى على حاجة لا دخل لى بها و أيضا ليست حجة على أخلاق أى منهم فممكن يكون عدو عدوى شخصية كويسة و ديمقراطية و تحترمنى و يكون عدوى زى ما مفترى على مفترى علي عدوه الآخر أيضا و لكن ممكن يكون أسوأ من عدوى و يكونوا الإتنين يستاهلوا بعض و يكون من الحكمة إنى أبعد عن الإتنين.
و أنا بادافع فى مواقف معينة عن اليهود و ده لا يمنع إنى فى مواقف أخرى آخد صف المسلمين لو عندهم حق - و لو بصيت فى الواقع هتلاقى مسلمين كتير (من المثقفين طبعا) بيحسدوا اليهود على أخلاقهم و مدنيتهم و ديمقراطيتهم و إلتزامهم بالقوانين - أنا أيضا فى موضوع يمس سيطرة اليهود على القدس و الأماكن المقدسة المسيحية و سيمسنى بالضرورة لو ذهبت إلى القدس يجب أقارن بينهم و بين المسلمين و بالقياس على ما يحدث للمسيحيين فى البلاد الإسلامية بنقى متأكدين إن لو العرب و المسلمين كانوا عندهم نصف القوة التى يملكها اليهود كانوا محوا اليهود من على وجه الأرض دونما تفكير فى إنسانية أو حتى قوانين دولية - شوف اللى حكمت بيه المحاكم المصرية لما الأقباط إتقتلوا داخل بيوتهم و شوف المحاكم الإسرائيلية بتحكم إزاى فى القضايا بين العرب و اليهود (بصراحة حاجة تقهر) - و الا شوف العرب اللى فى الكنيست و بكل تبجح بيشتموا فى اليهود و الدولة العبرية و يتكلموا عن إستعادة فلسطين فى الفضائيات العربية و محدش قالهم يطلعوا من الكنيست و إلا إتهمهم بالخيانة العظمى و رماهم فى السجن زى سعد الدين إبراهيم المسلم اللى قال كلمة حق للأقباط -
و إنت حر فى رأيك إنك تقف مع إنشالله مين ضد اليهود و لكنك لا تستطيع أن تقول أبدا إن اليهود دايما على خطأ و تغلط الفاتيكان فى الموقف اللى إتخذوه - هم شايفين إن فيه حاجة إسمها mob mentality و اليهود لما صرخوا "أصلبه دمه علينا و على أولادنا " ده على الناس اللى صرخت بس لكن كان فيه تانيين غير راضيين عما يحدث لكن مش بإيدهم حاجة و كمان ده كان قبل ما يسوع يعطيهم الغفران - مين اللى كلامه له قوة الصيرورة ؟ أعتقد أنه كلام يسوع هو الذى صار و إلا كانت بشارة التلاميذ زى قلتها و اليهود الذين قبلوا الإيمان لا ينفعهم بل يكونوا محتاجين للفدا من جديد
أنا نسيت إحنا كنا بنتكلم فى إيه - ما علينا - تصبحوا على خير
|