|
مش عارف عندى كلام عايز اقوله ممكن اكون غلطان .
اولا الاخ محمد حجازى هو انسان مجهول غامض لم نسمع عنه إلا بعد رفعه قضية يطالب باحقيته فى تغيير اوراقه الرسمية وبعد ان قامت بتلميعه الجرائد المصرية وقدمت لنا هذا البطل الذى يطالب بالحقوق ويحارب من اجل المواطنة والمساواة .
ولكن ماذا يريد هذا البطل هل كان يتوقع ان الدولة ستمنحه الاوراق الرسمية بإسمه الجديد بيشوى ومعاها شهادة تقدير ... مش عارف !!
ماذا يريد هذا الشاب الشجاع هل يريد الشهادة على اسم المسيح ؟
ام يريد السفر للخارج ؟
لماذا ظهر ؟ وماذا يريد ؟
اذا اخذنا بكلام استاذ ممدوح نخلة وحديثه عن رفض الاخ محمد تسليمه المستندات الخاصة بالقضية ، وإعطاءه عنوان غير صحيح لسكنه ، نجد ان الامور تتشابك وتتعقد وتكثر علامات الاستفهام ؟؟؟؟؟؟
اذا وجدنا ان كل اعضاء منظمة مسيحى الشرق الذين تقابلوا معه وهم اربعة افراد قد تم القبض على اثنين منهم ومطلوب القبض على الاثنين الاخرين ! !
اذا سمعنا ان محمد عندما سُئل عن لماذا ترك الاسلام ؟ وجدناه يتحدث كأنه ادمن فى احدى الروومات المسيحية على البالتوك بنفس اسلوب الكلام ونفس الاسئلة اللى بنسألها للمسلمين !!
لما نلاقى صور ليه هو ومراته وهما بيقرأوا الكتاب المقدس وصورة اخرى يحتضنوا فيها صورة للسيد المسيح وكل يوم صورة جديدة بشكل جديد تؤكد مسيحيتهم !! يمكن الاعلام بيتواجد معهم بصفة يومية !!
لما نلاقى الضغوط على المحامى والقبض على من يقدم له يد المساعدة وهو مازال حرا طليقا لا يقترب منه الامن المصرى ولا شاب مختل عقليا !!! يمكن بلدنا بقى فيها ديمقراطية !!
لما نقرا فى جريدة المصريون انهم وجدوا مذكراته مكتوب فيها خطب ضد من يسب رسول الله ويستنكر حدوث شئ مثل هذا فى مصر ؟؟؟ ممكن تكون المذكرات ديه تلفيقة !!
لما ابوه يرفع قضية على شخص مسيحى ويتهمه بتبشير ابنه فتقوم مباحث امن الدولة بالقبض عليه ومحمد الابن البار لايزال طليقا !! يبقى فيه حاجة غلط !!
لما يلتزم الازهر الصمت وتتعامى اعين الامن وتتهافت الصحف لكتابة اخباره بغزارة !!! يبقى فيه حاجة غلط !!
لما نجرى ونلمع كل واحد يقول انه متنصر ونعمله بطل وهو اساسا شخصية غامضة مجهولة !! يبقى فينا حاجة غلط !!
ماتاخدوش على كلامى ، ده مجرد تفكير من الممكن يكون كله غلط .
__________________
"LIVE FOR NOTHING OR DIE FOR SOMETHING"
|