[Mrs 2ana 7or]

المشاركة الأصلية بواسطة abomeret

الأخت العزيزة حور
إسمحيلى عزيزتى مدام حور.طبعا لادقن ولازبية. ولكن ظهورة عاريا برضة بيجرح المشاعر وصدقينى دة رأى أغلب الناس العاقلين هنا فى مصر.وبعدين المفروض دة قدوة للشباب وممكن تلاقى الشباب بيقلدوة فى لبسة وعرية.
كان فى واحد بيغنى-مش فاكر إسمة-(اللى إتهرب من التجنيد وزور شهادة جامعية وإتحبس) كان لية ألبوم والبوستر كان قميص مفتوح ومليان سلاسل وجنازير وبعدها لقينا الشباب فاتحين القمصان ولابسين جنازير.

الاخ العزيز ابو ميريت
لا يعقل ان يقلده احد فيمشى وسط الشارع عريان مثلا!! ده يبقى انسان مجنون
لكن طبيعى الشباب يقلدوه على البحر مثلا
ومحدش يقدر يقول عمرو نشر تقليعة التى شيرت الكات يعنى
بالنسبة للامور تامر حسنى بتاع التهرب من التجنيد فانا لا يعنينى يلبس جنازير ولا لأ اللى يعنينى انه انسان مش محترم واتهرب من الجيش بالتزوير
ثم سامحنى يا عزيزى فى فترة الستينات والسبعينات كنا بنشوف موضات لبس عجبة يعنى نور الشريف يلبس بلوزة قطيفة برتقانى على بنطلون شارلستون موف ماهو اكيد الشباب كانت بتقلد :)))
وهل يعنى ريكى مارتن ولا مسارى مش بيقلدوهم ؟؟
يا اخى العزيز الشباب والتقليد مرحله وبتعدى وبيعقلوا بعدها لكن الدقن والزبيبة مرحله مش بتنتهى غير بمصيبة سودة وانت سيد العرفين

يبقى زى مقال اخى العزيز الفارس ان ده ارحم من النقاب والجلابية القصيرة