لا خالص يا أخويا KK
الاختلافات فى المسيحية هى اختلافات فى تأويل الأسفار المقدسة ولكن النص موجود والنص نفسه متفق عليه
المشكلة ان الأفلام بتخرج عن النص وفيه بعض التوابع بعدها
أنا أرفض ان حد يقف ويمثل دور المسيح انما القديسون بشر فهم مثلنا ومتنساش اننا مدعوين للقداسة
بعض الأفلام الدينية الكاثوليكية ( للقديسين ) بتعجبنى رغم اعتراضى على بعض ما يأتى بها من أخطاء عقيدية بالنسبة لى كأرثوذكسى
ركز معايا وبالعقل
الفيلم زى ما قرينا عنه بيتكلم عن آخر 12 ساعة للمسيح يعنى مش هيجيبوا القيامة اللى من غيرها نبقى شهود زور
طبعا الفيلم لن تقل مدة عرضه عن ساعة ونصف أو ساعتين شوف بقى 12 ساعة هيبقى فيها حشو وسيناريو قد ايه مش مذكور فى الكتاب المقدس
يعنى اقتباس بس من الكتاب المقدس
ده بس وجه اعتراضى مش أكتر
ويا أخ بابلونيان زى ما انت ذكرت من الكتاب المقدس وأن القديس بولس الرسول ساوى بين اليهود ( الذين صاروا فى المسيح بقبولهم اياه ) وبين الأممين ( الذى صاروا مسيحيين بقبولهم للكرازة)
اذا كان حصلت أو بتحصل تجاوزات فالانجيل فيه الحل والموضوع مش محتاج وثيقة
لكن الموضوع ممكن تكون فيه نظرة سياسية لتوقيت الوثيقة لكن ده مش موضوعنا خالص
على العموم ربنا يبارك الكل ويوفقنا لما فيه خلاص لنفوسنا
ربنا معاكم