إقتباس:
المشاركة الأصلية بواسطة elmafdy
هانى
ربنا موجود و قادر يفرز و يميز اللى جوه القلوب . . . و قادر برضه انه يعين و يساعد و يقوى و يشدد . . . حتى لو كنت متخيل انهم ها يقتلوك . . . الانجيل بيقول . . . عند الأله الرب للموت مخارج .
اما بخصوص تعمل ايه فهناك 3 خطوات يمكن ان تبدأ بيهم مؤقتا :
1) اول و اهم خطوه انك تتكلم مع ربنا و تصلى كتير كتير كتير كتير . . . طول الوقت تصلى و تتكلم مع ربنا . . . أنت أكيد تعرف ان الصلاه عندنا مش كلام بيتردد و ركوع و سجود و شوية تمارين رياضيه . . . الصلاه عندنا انك تقعد مع ربنا و تتكلم معاه بكل اللى فى قلبك . . . و أنت أكيد جوه قلبك كلام كتير و حيره و قلق و خوف و تردد و تفكير فى بكره و فى اللى فات . . . الصلاه الحقيقيه اللى بأنصحك بيها انك ترمى كل ده قدام ربنا و تحكى معاه فيه . . . ما تتكسفش حتى انك تقول له انك مش مصدق لسه , و لو مصدق فأنت خايف و مش واثق انه يقدر يعديك من كل المصاعب اللى مستنياك . . . ربنا مش بيزعل من الصراحه فى الصلاه حتى لو بأمور سلبيه جوانا . . . و ما تتكسفش انك تطلب منه هوه انه يزود ايمانك . . . و يديك قدره و جرأه و شجاعه . . . و يديك معونه و تعضيد علشان تواجه ظروفك دى .
لو عرفت توصل لمرحلة انك طول الوقت فى حوار مستمر مع ربنا . . . طول الوقت . فى البيت و الشغل و الشارع و المواصلات و كل كل لحظه . . . لو عرفت توصل لكده , حياتك ها تتغير خالص . . . و مش ها تبقى وحيد او خايف من اى حاجه فى الكون و لا الحزن ها يقدر يوصل لقلبك تانى .
2) تانى خطوه انك محتاج تقرأ و تتعلم كتير عن المسيح و المسيحيه و عقيدتنا و ايماننا . . . المسيحيه رائعه فى معجزاتها و اخراج الشياطين و شفاء الامراض . . . لكنها اروع اكتر بكتير فى ايمانها و عقيدتها و حياتها . . . يعنى انت ممكن تسعد شويه لما تحصل معاك معجزه او يخرج منك شيطان او تشفى من مرض بمعجزه . . . لكن لما تعيش المسيحيه الحقيقه و تدخل فى العمق . . . ها يغمرك سلام دائم مستمر مختلف تماما . . . اقرأ عن شخص المسيح و اعماله . . . اقرأ الموعظه على الجبل مرات كتير . . . اقرأ عن معجزات المسيح و تصرفاته و محبته للخطاه . . . أقرأ عن الصليب و اللى حصل عن الصليب . . . اقرأ سير قديسين و شهداء . . . اقرأ الرسائل و اتعلم منها كل أسس الايمان المسيحى . . . و أكيد لما تقرأ ها يبقى عندك اسئله كتير عاوز تسألها . . . و احنا هنا كلنا تحت امرك و مستعدين للأجابه .
كمان حاول تقرأ عن قصص المسلمين اللى عرفوا المسيح و اتغيرت حياتهم . . . و دول قصصهم و سيرهم ماليه النت و ممكن برضه نديك روابط لمواقع كتيره فيها حالات زى كده . . . ها تشوف منهم ربنا عمل معاهم ايه . . . و ها تشوف ربنا ازاى افتقدهم . . . و ها تشوف اتعرضوا لضيقات و مشاكل قد ايه فى حياتهم . . . بس ها تشوف كمان ازاى ربنا كان معاهم فى كل خطوه و كل ضيقه اتعرضوا لها .
و ها تشوف كمان ناس تانيه كانت واخده الموضوع كدب و تهريج , أو واخداه خطوه فى سبيل اضطهاد المسيحيه او عمل فخ فى المسيحيين . . . بس ربنا لما قابلهم و افتقدهم غير حياتهم بالكامل و اخدهم لمناطق فى الحياه هما نفسهم ما اتخيلوش انهم يروحوها فى يوم من الايام .
3) تالت و اخر حاجه حاول انك تروح لأب كاهن زى ابونا مكارى او اى حد غيره . . . و تشركه معاك فى كل حاجه بتحصل لك . . . تحكى له اللى جواك . . . تطلب نصيحته او مساعدته فى اى حاجه تحتاجها . . . و هو أكيد ربنا ها يرشده للصح و ها يعمل معاك اللى ربنا يوجهه ليك .
و اخيرا ربنا موجود و عالم باللى فى القلوب و قادر انه يتمجد و يتصرف .
المفدى
|
المفدى ربنا يخليك والله ارتحت كتير لما قريت كلامك ده انا كنت مفكر ان الصلاه بس فى الكنيسه وعلى فكره اقسملك بالله انى بقعد مع نفسى واتكلم اى كلام فى كلام بوجهه لربنا وساعات اعيط واقول يارب لو انا على حق اظهرلى الحق ده انا عمرى ماصليت ولا حسيت باى امان فى صلاتى ولا حسيت براحه ولا اطمئنان عمرى ماحسيت باايمان حقيقى فى الاسلام + ان فى القران حجات كتير تخلى الواحد يشك فيه فعلا
يعنى عندك مثلا فيه ايه بتقول ومن يبتغ غيرالاسلام دينا فلن يقبل منه شهاده وهو من الخاسرين طب والمسيحيه والايهوديه ؟؟
موش القران ذكر التلت اديان دول ؟؟ ومعترف بيهم على المسيح وسيدنا يوسف؟؟
طب ازاى فى مسيحيه ويهوديه ولا زم الناس تبئا مسلمه ؟؟
حجات كتيره قوى متخربطه فى الاسلام زى مثلا من شاء فليؤمن ومن شاء فليكفر
طيب انا لو هؤمن هؤومن لمين ؟؟ لنفسى ولو كفرت هكفر لمين لنفسى برضو صح ؟؟
تلاقى الاحاديث بتقول من بدل دينه فااقتلوه طب ازاى ؟؟؟
حجات كتيره جدا متناقضه وغير مقنعه
فى ناس على فكره بتبئا واخد موضوع انى اكون مسيحى على سبيل التهريج او الضحك وده ماينفعش فيه تهريج وضحك لان ده دين يعنى موش اى حاجه والسلامه
انا لما قصدت انى اسئل الاخوه الى هنا لانهم اكبر وخبرتهم فى الحياة كبيرة كننت متوقع انهم هيساعدونى بنصايح زيك او ماشابه
انا ياجماعه موش بقلكم ادونى سلفه ابنى بيها مستقبلى ولا بقلكم جوزنى وسكنونى
ولا بقلكم وظفونى ولا بقلكم عايز فلوس علشان ابئا مسيحى كل ده هجص فى هجص
الايمان عمره ماكان متعه وسعاده ولهو وتهريج وفقر وغناء
الايمان هو انك تحس انك مطمئن تحس انك مع ربنا تحبه ويحبك تقرب منه وتحس بامان برعايته وامانه
+ ان موش شرط انى اكون اسمى بطرس واكون مسيحى فى البطاقه
موش دى المشكله هل لو واحد مكتوب فى بطاقته انه مسيحى وهو موش قريب من ربنا طب فايدته ايه ؟؟
فايدتى ان اسمى مسيحى وموش مؤمن بيها
الموضع موش زى مانتو متخيلنه الموضوع غير كدا
الموضوع هو الحب الحب الى لازم احب ربنا وربنا يحبنى
علشان يغفرلى خطأيا الى عملتها فى دنيتى ويحمينى فى اخرتى
علشان يحفظنى فى الدنيا من شياطين الانس والجن
انا لما اقراء فى الانجيل هل هعرف ايه الى جواه ؟؟
لا طبعا محتاج اسال يعنى ايه دى ودى ليه ومين دول وهكذا زى التفسير
المشكله موش فى القرايه طب مانا هقراء وموش هفهم حاجه وده انا موش عايزه
عايز اقرا واحس بيه
طب مالقران بيتقرا ومبحسش بيه طب ايه فايدتها ؟؟
ياريت تفهمو قصدى علشان متخلوش دماغى تروح فى طريق غير الى انا ماشى فيه
واشكرك يامفدى على ردك الجميل ده