22-12-2007
|
 |
Moderator
|
|
تاريخ التّسجيل: Dec 2004
المشاركات: 2,345
|
|
إقتباس:
المشاركة الأصلية بواسطة السعد
والله ان شايف انكم مكبرين الموضوع اوى انتوا وخداين حقوق الاقباط والمسلمين كل شى فى يدايكم المال السلطة وان كنت من خالف الستار
|
استاذ سعد
حضرتك شايف اننا مكبرين الموضوع؟؟
حضرتك لو نظرت بضمير وحيادية تلاقى الموضوع فعلا كبير..تخيل نفسك فى بيتك وسط اولادك ودخل عليك الغوغاء وحرقوا وحطموا بيتك وأصابوكم وقتلوكم..شايف الموضوع صغير؟؟
أستاذ سعد..هذة الحوادث اصبحت جماعية وليست فردية نتيجة الشحن الدينى والطائفى ضدنا وفى جميع البلدان شمالها وجنوبها..شايف الموضوع بسيط؟؟
المال والسلطة
نبدأ بالسلطة:هى اية السلطة فى نظر حضرتك؟؟
السلطة هى حق التحكم فى مجريات الأمور والقرارات وتقرير مصير المواضيع
هل ترى كم وزير قبطى(2 فقط)- كم محافظ قبطى(1 فقط زى قلتة)ومنذ عشرات السنين-كم رئيس جامعة قبطى(صفر) حتى كم عميد كلية قبطى(صفر) حتى رؤساء الأقسام فى الكليات لاأقباط-كم رئيس مجلس إدارة قبطى؟؟
كم ضابط بالشرطة والجيش والمخابرات وأمن الدولة قبطى؟؟
عزيزى حتى مديرى العموم ورؤساء الإدارات المركزية فى الهيئات والوزارات أصبحوا بالإختيار(قانون رقم 5)لإستبعاد الأقباط.
أخى السعد..حضرتك بكدة شايف أن السلطة بأيدينا..من فضلك حكم ضميرك.
المال:فى يد فئة قليلة جدا منهم المسلم والمسيحى(أحمد عز-ساويرس-المغربى-غبور)..وغيرهم وهم لايتعدوا عن 1%من الشعب وكلنا نعانى من الغلاء والتضخم وبنقف فى طابور العيش بالساعات انا وانت وجارنا وزميلنا.
بس الفرق انك غير مضطهد فى بلدك وعملك ومنطقتك ومدينتك...وانا مضطهد جدا فى عملى وبلدى ومنطقتى ومدينتى وبأذهب لعملى وأنا خايف على أولادى لحسن ييجى جارى ويقتحم بيتى ويولع فية بمجرد ماسمع فى قناة الجزيرة ان الأمريكان ضربوا تورابورا فى أفغانيستان.
أخى وزميلى فى المواطنة من فضلك فكر معى شوية وأحكم ضميرك.
|