اولا احب اهنيكى على الموضوع الجميل ده بس احب اشارك بشويه استفسارات
إقتباس:
المشاركة الأصلية بواسطة honey
+ الدولة الصليبية لا محالة منها في الشرق الأوسط
1 دوله السودان الجنوبية الفدرالية الحكم إلي الآن.
2 دوله إثيوبيا
3 دوله لبنان
4 جمهورية مصر العربية ( المجتمع القبطي والمسيحي المصري)
5 الجمهورية التركية ( المجتمع الارمني )
6 الحمهوريه العراقية (المجتمع الكيلداني )
........................
|
لو مسكنا الدول دى دوله دوله
1 جنوب السودان
انتى غلطانه وواضح ان معلوماتك سطحيه(اقصد معلومات اللى انت ناقله منه الموضوع)
سكان جنوب السودان 16% بس مسيحيين
و17% مسلمين والاغلبيه من اللادينيين ومعتنقى الديانات البدائيه
لكن المسيحيين هما اللى مسيطرين على المنطقه دى تقريبا علشان كده هما اللى ظاهرين فى الصوره
فالادينيين بيعيشوا حياه بدائيه لسه والمسلمين معظمهم مش متعلم
والمسيحيين مش عايزين يستقلوا باسم الدين ذى ما انتى مفكره
لا
بسبب الاختلاف العرقى
لانهم نيليين والشماليين من قبائل البشايره
وقبائل البشايره دولى اول ناس دخلوا افريقيا او عاشوا فيها وهم ابناء كوش ابن حام يعنى مش محمديين عربانيين من شبه جزيره المعيز ذى ما سيادتك ناقله
2 دوله اثيوبيا العظيمه
الفتح الاسلامى ما وصلش لاثيوبيا لكن الاسلام انتشر فى المنطقه الشرقيه لارض بونت(الصومال حاليا) عن طريق الدعاه
الصومال اسمها صوماليا او الصومال الكبير وده عباره عن اجزاء
*الجزء الذى وقع تحت الاحتلال الفرنسى وهى منطقتين جيبوتى وجنوب الصومال
*الجزء الذى وقع تحت الاحتلال الايطالى وهو الجزء الاوسط او الجزء التاريخى اللى نشات عليه حضاره بونت القديمه وهو المتاخم لايلتريا
*اوجادين:وقد قامت بريطانيا باحتلالها ثم ضمتها لاثيوبيا وبعد انتهاء الاحتلال ظلت تحت حكم اثيوبيا
*الجزء الشمالى لكينيا حاليا:ونفس اللى عملوه مع اثيوبيا
انا حاولت اوضحلك مشكله الصومال قبل ما تتكلمى عنها وتقولى انها بتهاجم اثيوبيا المسالمه
اثيوبيا بتقود حرب قذره ضد الانفصاليين فى اقليم اوجادين(المسلم على فكره)
مشكله الصومال دى كانت موجوده فى دوله ذى ليبيا لكنها اتوحدت مش ذى الصومال اللى لسه بتحاول تتوحد من جديد
3 لبنان
غنيه عن التعريف
ومنقدرش نقول ان فيه اقليه فى لبنان مظلومه لان لبنان عباره عن دول داخل الدوله الواحده
وفكره ان طائفه تستقل عن الدوله دى تقريبا مستحيله
و عدد المسيحيين فى لبنان مش كتير لدرجه انه يساعد فى بناء دوله صليبيه فى الشرق الاوسط
هما تقريبا حوالى مليون ونص او اكتر بشويه صغيره
4 الجمهوريه التركيه
انتى بتتكلمى عن دوله علمانيه دلوقتى لكن لو تقصدى ان تركيا ابادت اكتر من مليون ارمينى وان الارمن ممكن يعملوا دوله فتعالى كده نشوف
انتى تعرفى ايه وطن الاتراك الاصلى
ممكن تقولى كده غرب منغوليا او مكان جمهوريات الاتحاد السوفيتى
وتركيا الحاليه اللى هيا الاناضول كان عايش فيها شعوب تانيه كانوا بيسموهم السلاجقه الروم وكانوا مسلمين
لما الاتراك رحلوا الى الاناضول بقياده جدهم الاكبر عثمان(اللى سموا الدوله العثمانيه على اسمه) تقريبا ابادوا كل الشعوب اللى فى المنطقه دى وكان منهم الارمن
وتركيا انشات فيها دوله قوميه وليست اسلاميه
الاتراك كلهم مسلمين(لانهم كانوا وثنيين وتحولوا للاسلام)
يعنى لما يكون فى تركى مسيحى او يهودى
يبقى من البديهى انه مش تركى
لما تركيا اضطهدت الارمن كان بدافع قومى ومش دينى
ولو كنتى بتعولى على الارمن فى دولتك الجديده فانتى غلطانه لان تركيا ممكن ترحلهم فى اى لحظه
الارمن اللى انتى بتقولى عليهم لما البرلمان الفرنسى اصدر قانون يجرم من ينكر مذابح تركيا ضد الارمن كانوا تانى ناس احتجوا على القانون بعد تركيا
خافوا يترحلوا او يفقدوا وظائفهم
يعنى اضعف مما افترضتى
5 العراق والكلدانيين اللى فيها
فاحب اقولك ببساطه العراق ستظل فارسيه للابد
اللى انتى مش واخده بالك منه ان سكان الجنوب العراقى من اصول فارسيه
لما الفتح الاسلامى نفسه وصل العراق كانت دوله فارسيه بالكامل والعرب اللى فيها يقتصروا على وسط العراق فقط حاليا
مستحيل ايران تفرط فى السيطره على العراق
6 اما بقى ام الدنيا واللى انا سبتها للاخر
انتى بتتكلمى عن قوه الاقباط ونسيتى حقيقه مهمه جدا
والحقيقه دى انكم مجرد اقليه دينيه عايشه فى مصر ذى اى اقليه تانيه عايشه وانتم اللى خليتوا نفسكم كده
الخطه جميله جدا لكن نسيتى ان الصعايده ما بيبعوش ارضهم
وارثينها عن اجداد اجدادهم
انتى بتقولى الحكومه المصريه الراعيه للجماعات الارهابيه كالاخوان المسلمين وكانك مش عايشه فى مصر وشايفه انهم مرميين فى السجون رغم انهم اخدوا براءه وبيتقدموا لمحاكمات عسكريه ومحطوط لهم قانون طوارىء ذى الفل
ربنا يخلى لنا دماغك الصاحيه
انتى قلتى ان الدوله اللى انتم هتنشاوها فى الجنوب دوله تضم كل المسيحيين فى الشق الاوسط
يعنى دوله دينيه
وقال بنخايل على ايران والاخوان
قولتى ان امن اسرائيل هيسقر علشان كده لازم تساعدكوا
وكان اسرائيل مستنياكم
اسرائيل لو لقت الفرسه هى اللى هتحتل مصر يا عسل مش تساعدكوا
الخلاصه انك بتتكلمى عن دوله ولا فى الاحلام
وفى النهايه كمان ما تبقوش تقولى ان ولاء لمسلمين للاسلام ومش لمصر
