|
عزيزى هنى
نظرتك شيفونية مرضية
فالمواطنة فى كل بلاد العالم بحادثة الميلاد
و أنا أضيف عليها بحادثة الانتماء الثقافى
أريد ان أسألك سؤال هل عائلتك و كل العائلات المسلمة التى سألتها عن أصلها ترفض الزواج من عائلات المسلمين الاخرين ؟؟
و كيف عرف جدك أنه دخل بعد الغزو العربى بأربعين عاما ؟؟؟ مش شايفها أسطورة واسعة و عيب واحد متعلم يصدقها
هل سمعت عن حملة السجلات يعنى المسلمين اللى عندهم أوراق تثبت انهم من قبيلة فلان و قبيلة ترتان العربية
كل دول سعادتك مصريين و أشتروا النسب بالفلوس
و على كد ما تدفع على كد ما يطلع لك نسب أقوى بحيث يكون أبعد زمنيا و أقوى من حيث قرابته لقريش
تسمع عن الأشراف فى مصر و اللى عاملين نفسهم من نسل الرسول
الغريبة تلاقى أشراف سوريا و لبنان و الأردن شكلهم شامى
و أشراف الصعيد شكلهم صعيدى و أشراف بحرى شكلهم بحراوى
و أشراف السودان شكلم سودانى
الله ؟؟ هما مش المفروض عائلة واحدة و بيحافظو على نقائهم العرقى ؟؟؟
اللى متعرفوش حضرتك أن عضوية الأشراف بتتباع فى الصعيد ب 5000 الاف جنية للنفر
و أن الملك فاروق رغم أنه معروف أصلة من البلقان لكن طلعوله شهادة انه من الأشراف
سؤال كمان
هما الأقباط لما دخل العرب مصر كانوا فراعنة ؟؟؟؟
ماتجاوبش بسرعة ؟؟؟
تعرف أيه حضرتك عن أختلاط المشوش و الليبو و النوبيين و السريان و اليونان و الاحباش و القبرصيين بالمصريين
هو رمسيس التانى كان فرعونى
هو شيشنق و أبسماتيك و طهراقا و نخاو كانو فراعنة
يعنى أيه فراعنة هل هم جنس منغلق نقى فى العرق
هل تعرف حضرتك أن فى 30 أسرة فرعونية حكمت مصر
تلتها تقريبا من اصول غير مصرية و أصول مهجنة
تاريخ الأجناس اكبر و أعقد كثيرا من حكاية كل الأقباط فرانة و كل المسلمين عرب
تعرف حضرتك أن جددف رع الفرعون ابن الفرعون خوفو كان أبيض و شعره أصفر و عنيه خضرا ؟؟؟؟
الفراعنة نفسهم مكنش عندهم نقاء عرقى و عمرهم ماأفتخروا بنسبهم و عرقهم المهم عندهم كان الانتماء للثقافة و الحضارة المصرية
و ده تعريفنا الأوسع للقومية المصرية
القومية المصرية هى من حق كل أنسان ولد على أرض مصر و ينتمى للثقافة و الحضارة المصرية و يعتز بتاريخ و تراث بلده الممتد فى أعماق الحضارة الفرعونية و يعشق التارب المصرى و يضحى من أجله
و علشان اريحك اكتر أسال معظم علماء الأجناس الأنثروبولوجى هيقولولك أن المصريين أكتر الشعوب نقاءا عرقيا و العرق الفرعونى الحامى يمثل اكثر من 90 % من دماء المصرى ترتفع النسبة فى أقباط الصعيد إلى 97.5 % من دمائهم
و يؤكد العلماء ان كل العناصر و الشوائب الوافدة كانت بتتلاشى مع الجيل الثالث أو الرابع للأسرة المهجنة يعنى فى الجيل الرابع بتتلاشى أى أثار عرقية للسلالة الوافدة و تعود الصفات المصرية الأصيلة
و ممكن تقرأ عن الضعف البيولوجى الشديد اللى واجه الأطفال المهجنين من أب غير مصر و أم مصرية و تتجلى الحالة دى فى المماليك اللى كانو بيتجوزوا مصريات كان 80% من مواليدهم بيموتو وهما أطفال صغيرين و ده اللى ساعد على اندثار المماليك مع مذبحة القلعة طبعا
__________________
مصر بلاد المصريين
|