|
تليفزيون البى بى سى كانوا عملوا منه طبعة عربية بتمويل سعودى وبعدين ما أعرفش قفلوه ليه ؟ ، والطقم بتاعه إنتقل للجزيرة ، وإسرائيل عملت تليفزيون عربى وقفلوه ، ودلوقتى أمريكا عملت تليفزيون وممكن برضه يتقفل ، الدول الإسلامية بتعلن صراحة إنها إسلامية وإن الحياة منظمة حسب الشريعة الإسلامية فى كل نواحى الحياة ، والدول الغربية بتقول إنها لا دينية ، ولو الدول الغربية عاوزة تؤثر فى العالم الإسلامى فلازم يكون لها دين لأن الحديد لا يفله إلا الحديد ومش ممكن الهواء يفل الحديد وبالتالى العلمانية ( أى اللادينية ) لا يمكن تهزم الإسلام
فالتليفزيون الأمريكى لو مش عاوز يتكلم فى الدين فمش هيقدر يتدخل فى أى شأن فى الدول الإسلامية لأن معارضة أى شىء فى العالم الإسلامى معناها معارضة الإسلام
فالحل إن التليفزيون الأمريكى يتحول لتليفزيون خدمى .. يعنى يقدم للناس المعلومة الصحيحة والفيلم الجيد والأغنية الجميلة والتسلية الظريفة وبالتالى يجذب الناس للتمتع بالمزايا دى ، لكن محاولة التوجيه الفكرى دون الإحتكاك بالدين مش هتنجح
|