|
فى جولة فى المواقع النهارده :
فى القدس العربى كان عطوان كتب عن بهدلة الفلسطينيين فى مطار القاهرة ، والنهارده كان فيه صفحة من الردود ، صومالى قال إنهم كمان بيتبهدلوا ، ومصرى معاه الجنسية السويدية قال إنهم بيسألوه عن كل حاجة ، وفيه ناس مؤيدة لكلام عطوان ، وفيه واحد معترض ومش مصدق إن الكلام ده بيحصل
وقالوا فى صفحة أخرى إن سوريا إعتقلت 2 من مستخدمى الإنترنت
وقالوا عن زيادة جديدة فى سعرالحديد قدرها 300 جنيه
وفى الشرق الأوسط مقال بقلم كيرى مرشح الحزب الديمقراطى عن تجربته فى حرب فيتنام ، وقالوا فى صفحة تانية إن بوش الأب هينط من طيارة بالبراشوت وعمره 80 سنة
وفى صفحة أخرى إن هولندا دخلها السنة اللى فاتت 75 ألف من تركيا والمغرب للإلتحاق بعوائلهم
فى وطنى بيقولوا إنهم كسبوا السنة بعد خسارتهم سنتين
الدول الأوروبية هتدفع للسلطة الفلسطينية 52 مليون دولار
|