[elmafdy]

امال انا اعمل ايه . . . الجامع اللى جنب بيتنا مشكلته اكبر من مجرد الصراخ وقت الادان بس . . . لكن الشيخ بتاع الجامع بيعتبر ان الميكروفون جزء من جهاز النطق عنده . . . زى الحنجره و الاحبال الصوتيه و اللسان . . . الميكروفون مفتوح طول الوقت و الشيخ قاطع فى الجامع طول اليوم . . . مش بس بنسمع الادان . . لكن بنسمع كل الصلوات بكل تفاصيلها بصوت عالى يصم الاذان لدرجة اننا مش بنسمع بعض لما بنتكلم مع بعض فى البيت . . . بنتصدع بصلاة الجمعه و خطبة الجمعه لمدة ساعتين و اكتر . . . و بنتدوش فى رمضان لمدة 5 او 6 ساعات كل يوم بصوت عالى يصم الاذان ما بين صلاة المغرب و العشا و التراويح و غيره و غيره . . . ده غير لما بيطلع زى الصاروخ كل يوم الفجر مش بس فى الاذان لكن فى الصلاه من اولها لأخرها . . . و غيره و غيره و غيره .

بس الكوميديا بجد و اللى بتهون عليا الصداع ده كله . . .هو تمسك عم الشيخ بالمايكروفون العالى جدا ده لما يكون بيتكلم مع حد من اصحابه او بيتكلم فى الموبيل . . . او حتى و هوه بيطفح الاكل . . و تسمع صوت مضغ الطعام و التفافه و النفافه و القرف كله على الهواء و بالمايك .

و زى ما بأقول دايما

ربنا هو الشافى

المفدى