[مصر وردة الروح]

أنا واثق انك انسان شريف ونبيل لكن كم عدد أمثالك في الدولة الوهابية المصرية
ليس لنا الا أن ندعو لك و نقول ربنا يكتر من امثالك
دا كلام الاخ موسى
اشكرك على مدحك ليا و كمان على دعوتك ليا بس ليا عندك طلب صغير هو بلاش نقول الدولة الوهابية المصرية دي و الله يا اخ موسى انا اعرف مسلمين كتير جدا بيكرهوا الوهابية لانك لو عرفت ايه هي الوهابية بجد ممكن تكره نفسك و تكفر بالله كمان و انا مش بابالغ لان دي هي الحقيقة فا خليها الدولة المصرية الجميلة



قول الحق يا أستاذي الفاضل لا يحتاج دعوه من أحد ...

دا كلام الباشا
كلامك لا غبار عليه و كله تمام بس انا عايز اقولك على حقيقة اننا بشر و لو تلاحظ اننا من ايام ما كنا في المدرسة كان لو واحد قال حسني مبارك حاف كان المدرس يضربة و يقوله اسمه السيد الرئيس محمد حسني مبارك و المدرس دا كان مسلم مثلا و عارف ان في الاسلام الحاكم ما ينفعش نديله اكتر من حقه و اننا المفروض ننتقده و كمان كان المدرسين المسيحيين كده فا دا غلط من ايام الفراعنة لان دي عادة فينا دا كان فرعون بيقول للناس انا ربكم الاعلى و كانوا مصدقينه و ممكن ما كانوش مصدقينه و لا حاجه بس خايفين منه و كمان الرومان لما احتلوا مصر كان المصريين ما بيعملوش اي رد فعل تجاههم و كمان ما طلعوش الا لما المسلمين دخلوا بغض النظر عن ان المسلمين كانوا محتلين او لا و حتى لما المسلمين دخلوا مصر على فرض الاخوة المسيحيين انهم كانوا معترضين عليهم ما حصلش اي حاجة و قيس على ذلك الا الان ما حدش قادر يقول بم لحسني يعني الناس اللي احنا بنقول عليهم انهم جريئين زي مثلا طلعت السادات يقعد يقول الحكومة بنت كذا و كذا لكن ييجي عند حسني و يقول هو مش غلطان هو قالهم الصح و هم ما سمعوش الكلام و قيس على غير كده كتير من الناس دول الصراحة احنا كمصريين فينا عيب خطير اوي و هو اننا بنخاف بجد دا رأيي و ممكن يكون غلط لكن انا ملاحظ كده


خوف الله المفروض عند الشيوخ دول أكبر من الخوف من الحكومه .... أنا مقدر أنك بتعيب علي شيوخ الازهر لكن للأسف أنا وأخواتي بندفع الثمن من أهلنا وأعرضنا و خطف بناتنا

و الله كلامك صح لكن دي اصلها التربية السيئة اللي اتزرعت فينا من صغرنا انها اوعى تتكلم على الحكومة اوعي امن الدولة اوعى وشك
لكن بالنسبة لشيوخ الازهر انا باقدرهم جدا لكن لازم اقول الحق هم بيخافوا من الحكومة الا القليل
لكن بالنسبة لاي مصري حتى لو كان مسيحي انا ازعل عشانه جدا لو حد ضره و بجد لو بنت مسيحية مثلا تم اغتصابها و الله ازعل عليها زي ما تكون اختي و لو في ايدي اخد لها حقها عمري ما اتأخر و كمان اي واحد شريف هايعمل كدة من غير ما يبص ديانتها ايه



عتابي عليك أنك لم تفكر في أن تقراء هذه القضيه
انا اسف يا عم لكن انا قريتها و لو هي فعلا زي ما حصلت كدة و انهم عايزين يجبروها على الاسلام يبقوا بهايم مش بني ادمين لسببين الاول ان لا يعقل ان حد يجبر حد على انه يدخل دين غير دينه و مش بس كده انه يعتنق فكر هو مش موافق عليه حتى لو كان الفكر دا صح مية في المية تاني حاجة بقى ان العالم دي جهلة بالاسلام لان لو واحد اسلم ظاهريا و قلبة غير مسلم يبقى مافيش فايدة منه حسب العقيدة الاسلامية الا اذا كانوا هم بيدوروا على عدد بس و دا يبقى غباء اكبر بكتير فا ربنا زي ما قلتلك حسب العقيدة الاسلامية هايجازيهم دنيا و اخرة و ان كانت تلك المرأة المسيحية هاتخش النار حسب العقيدة الاسلامية و الله اعلم وقتها لكن ربنا مش هايسبه يعدي كده لان الظلم ظلمات يوم القيامة حسب العقيدة الاسلامية ففي العقيدة الاسلامية ان فيه ست جوعت قطة لحد ما ماتت فدخلت النار و ان فيه ست تانية كانت زانية ربنا رحمها من النار بسبب انها اطعمت *** جائع فاكيد الناس دي لاهي فاهمة الاسلام و لا غير الاسلام هم بس ماشيين ورا النظام من غير ما يبصوا هم بيعملوا ايه
اخر حاجة بقى اني باشكرك على مواقع تعليم اللغة القبطية
لكن برضه مش جايبلك فاكهة لانك ما رديتش عليا في الموضوع اللي انا طرحته هههههههههههه
a tot alleur mes freres christians et muslims