يا بوش يا حبيبى ما تبقاش مفترى و حاول تنسى بقى الخصال بتاعة الجماعة إياهم!!
يعنى الناس اللى ردت عليك فى منتدى الخواطر بحاجات ضايقتك كانت بترد على إنك نقلت إلى هناك أسلوب الشتم مع إن الهدف اللى طلبنا منك لأجله الدخول إلى منتدى التأملات هو الفائدة الروحية و الوصول إلى السلام النفسى - و كمان إنت إتسرعت و شتمت ناس من غير ما تعرف سبب الموقف اللى إنت فاكر إنهم أخذوه منك و لو كنت تريثت شوية و سألت كنت عرفت أساس الموضوع قبل ما تطيح فيهم شتم
و مع ذلك هم بيحبوك و سامحوك و كتبوا لك على نصائح جميلة لو عملت بها إنت هتستفيد و أنا قبلك هأعمل بها (أهو إستغلال فرص علشان أستفيد أنا كمان)
يبقى ليه بقى ما تنساش كل اللى فات و تثبت للكل إن اللى دافعوا عنك كانوا فعلا مقدرين ظروفك و شايفين فيك خير (تبيض وشنا يعنى!!) و كمان يبقى المنتدى فرصة إنك تتعلم ما تحتاجه فعلا بدل من تضييع وقتك فى مهاترات مع ناس قلنا لك قبل كده أنهم قاصدين يعطلوك و يضيعوا وقتك و جهدك
و مش لازم تروح منتدى التأملات علشان تكتب مواضيع -- ممكن تقرا بس يا سيدى -- يعنى سيب التانيين يتعبوا و يكتبوا و إنت إستفيد على الجاهز إيه رأيك
و على فكرة إحنا ما طالبناش برفع الحصانة عنك إحنا طالبنا برفع الحصار
