[hany12]

انا لما دخلت المستشفى اتعرفت على ممرضه قبطيه هناك وحكتلها الى حصل عرفتنى بلاوى سوده بتحصل فى البلد دى
قلتلى البلد دى بتيجى ساعات فيها العصفوره متقدرش تعدى من هنا وتروح الغرب حتى لو كان رئيس الجمهورية ذات نفسه لما يكون فى تأمين سفن حربيه معديه من القناة
الجيش بيخلى كل المدنيين على طريق القناة حتى ولو كان من الداخليه مفيش حد بيعدى حتى لو فى دراسه لو فى مريض هيموت لو الدنيا خربت محدش هيعدى الا باذن الجيش
سالتها عن واقعه وزير الزراعه دى قالتلى حصل ومعداش الا باذن العسكرى معنى كان فى صول اعلى من العسكرى وفى ظابط بس العسكرى كلمته فوق كل ده
وقلتلها على الاباء الكهنة الى ماسكين الكنائس هنا قالتلى ربنا معاهم كفايه انهم بيلفو على البيوت بيت بيت يروحو للمسيحين هناك لان مفيش غير كنيسه ومبتكفيش الناس بلد فيها ييجى 70 او 80 الف مسيحى ومفهاش غير كنيسه واحدة بس للارثوكسس والطوائف التانيه فى بور سعيد والاسماعليه
ولما قلتلها على الظابط قلتلى غصب عنه لانه لو اتعاطف مع اى حد مسيحى بيتبهدل او ممكن يموت فى ثانيه وملهوش ديه وقالتى معلومه اول مره اعرفها ان البلد دى فيها ملايقل عن 200 رتبه كبير من اللواءات الى ماسكين مجرى قناة السويس من تامين الى مشاة الى حرس حدود الى مخابرات حرس حدود ومسطحات مائيه وغيرهم وغيرهم وغيرهم واغلبهم مسيحيين ولما حكتلها على الى بيحصل فى مصر او فى اسكندريه وان اى حاجه بتحصل ليهم بيطلعو على الفضائيات ولجان حقوق الانسان ومواقع الانترنت اتفاجئت مفاجئه
قلتلى بلد زى دى يا استاذى مفهاش غير سيبر نت واحد والى فاتحه امين شرطه فى امن الدولة ومفيش هنا نت كتير وقلتلى انتا مفكر نفسك فى مصر ؟؟ هنا الناس بتنام من المغرب بيخافو من العرب الى ممكن يخلو الليل نهار من كتر ضرب النار بينهم وبين بعض وعلى عين الداخليه والجيش
قلتلى ان البلد دى اغلبها مسيحين بعد كدا فى عرب وبدو هما اساس البلد وواخدين راحتهم على الاخر وقلتلى ان مفيش حد هنا بيقول علينا مسيحيين كلهم بيقولو نــ صــارى زى ماقرانكم بيقول "ملحوظه متعرفش انى مسيحى لانى مقلتهاش لانى مضمنهاش برضو "قلتلى فى شباب ورجاله كتير بيا اسلمو هنا كتير "انتو " المسلمين يعنى كبار عائلات البدو بيعرضو عليهم فلوس ومشاريع كبيره وبيجوزوهم بناتهم وبيصيرو مسلمين سالتها على البنات وهل فى حد بيتخطف او يجبر على الاسلام ؟ قلتلى لا مفيش غير قليل وده بيحصل من الفلاحين او من المدن اسماعليه والعريش وغيرها اما العرب مبيجوش جنبهم وبعدين هما فاضيين لينا ؟؟ هما مشغولين بزراعه البناجو وتهريبه من هنا كل يوم قالتلى لوسهرت لحد الفجر هنا هتسمع وهتشوف ضرب النار بعينك من الجيش والمهربين العرب وكل يوم بيمسكو الاف الاف كيلوهات بانجو وسموم كتيرة
حكتلى ان مرة فى واحد اتصاب منهم بطلقه فى ضهره وجابوه هنا على المستشفى يعملوله اى حاجه وبعد كدا يخدوه بتقول لقينا المستشفى متحاصر عرب كلهم ملثمين ومسلحينوالمصيبه ان القسم جنبينا على بعد 50 متر قالتلى ان العرب احيانا بيسرقو سيارات الشرطه واسلحه الشرطه والامناء وكل الناس هنا بتخاف منهم حتى الجيش بيخافو يموتو حد منهم لانهم بيعملو خطط ويقتلو فى اى عسكرى او ظابط لابس لبس حربى
بعد الى حكتهولى والى سمعته من سكان سيناء والى شفته معتقدش اننا فى مصر خالص والكلام ده فعلا حقيقه واقرب مثال حصلت حدثتين عرب ضربو نار على اتوبيس شرق الدلتا ودى جت فى الجرنان وقتلو اسرة كاملة بمافيهم طفلين وجيت برضو فى الجرنان
وتقلولى بدل الامن والامان وخير اجناد الارض ؟ خخخخخخخخخخخخخخخخخخ