[ديديموس]

من فترة ظهر متنصر جديد وعاوز يشهر مسيحيته وكمان مش بس كده لا كمان يكتب في بطاقته انه مسيحي
شيء غريب هو فاكر الدنيا سايبه والدنيا مفهاش ارهابيين مسلمين حيحاولوا قتله وانه مش حيقدر حتي يمشي في الشارع
او فاكر ان امن الدوله نايمين علي ودنهم ومش علي الاقل حيستدعوه بكامل الادب والاحترام ويقعدوه في انتظار لمده يومين بدون ما حد يتكلم معاه وبعد كده يحترموه شويه
والا فاكر انه مفيش اعلام مصري محايد حيعمله ماضي اسود مرير من المرض النفسي او حب الشهرة او الاجرام
والا فاكر ان مفيش ناس حتحاول انها تضغط علي المحامي الي ماسك له القضيه علشان يسيب قضيته بالترغيب او الترهيب
والا فاكر ان المحكمه بعد ده كله حتوافق انها تغير له الديانه
باين عليه مش من هنا
طبعا الاخ بيتر او ماهر حيفتكر اني بعمله عمليه احباط لكن ده مش صحيح انا بس بنبهه لحاجات حتحصل او بدات اوحصلت فعلا ولازم بكون مستعد لمواجهه كل الامور ديه بمعونه ربنا اولا واخيرا
وكمان واحد زي وائل الابراشي ما يحاولش انه يكون لطيف معاه اصل ده ما ينفعش معاه غير اسلوبه وهو انه يحاول يركز علي فكرة ويحول كل حاجه لخدمه الفكرة ديه
بمعني انه كل شويه كان بيقول انك عملت كده بدافع السعي وراء الشهرة
ويا عزيزي وائل الابراشي انا عاوزة اسئلك هل الحق المدني يسقط باتقادم بمعني ان ماهر بقاله سنين كتير ما طلبش حقه المدني في الاعتراف بديانته الحقيقيه في اوراقه الرسميه هل هذا يسقط حقه في المطالبه بيه ولو بعد خمسين سنه
حبسطهالك شويه كمان
يعني انت لو عندك الف جنيه في بنك وسبتهم عشرين سنه لانك مش محتاجهم او اتهايالك انك مش محتاجهم ولما جه الوقت المناسب في وجهه نظرك انت انك تاخد فلوسك هل البنك حيجي يقولك ايه الي فكرك بعد كل المده ديه بفلوسك حتي لو كان البنك في ظروف محتقنه ماليا زي محتقنه طائفيا
وكمان هل في ظل الاحتقان الطائفي وظروف المجتمع هل اغلق الازهر مكتب اشهار الاسلام او اغلق الباب في وجه من يريد اشهار اسلامه
ولماذا ستظل محايدا للاسلام ولن اقول متعصبا اصل انا اعرف الكلمه ديه بتعمل حساسيه عند البعض
لحد امتي حيكون ميزان العدل الاسلامي بكفه واحده وهي كفه الاسلام والمسلمين
وكمان انا عمري ما سمعت لفظ واحد اشهر مسيحيته ولكن اللفظ المعروف هو اشهار الاسلام
يبقا مين بقا الي غاوي شهره
هل لما يتعمد شخص بياخدوه شباب الكنيسه ويلفوا بيه من امام الجامع وبيوت المسلمين ويقولوا محمد بقا جوزيف
وهل بيدخلوا بيه الكنيسه الي جنب بيته كما يفعل المسلمون عندما يشهرون اسلام اي شخص حتي ولو كان معتوه ومتخلف عقليا
يبقا مين بقا الي بيدور علي شهره
علي العموم انت لما طرحت القضيه طرحتها من وجهه نظرك انت فقط
وانا بعذرك بعض الشيء لانك عندك حاله من اختلال المعايير بسبب انك لما بدات حاولت انك تكون محايد وعلماني ولا تتحيز لاي جهه ولكن بسبب الاسلام الذي عشته وتعيشه وبسبب الدوله الاسلاميه التي لا تقبل بغير ميزان الكفه الواحده المسلمه وبسبب الضغوط الممارسه عليك ادي بك الحال الي ما انت عليه من تشويش فاصبحت مجرد صدي صوت للحكومه
اسماء بنت يسوع