عمرو خالد بتاع العيال
بدون تعليق
http://arabtimes.com/mixed4/doc103.html
تحذير: الشعر يحوي الفاظا محمدية
شعر : نجم ابو منعم
خاص بعرب تايمز
لامم عيال حواليه
وماسك لهم زمارة
يهيصوا ويقولوا هيه
ويلفوا وراه فى الحارة
ماتفهمش بيقول ايه
كلامه ملضم فى دُباره
ومتلاقيش معاه فى اللمَّة
ولا واحد بس بشنبات
ولا شيخ لابس عِمّة
ولا واحدة من الستات
آه يالهوتى يا أمّه
ليكون وراه حكايات
ويوقع عيالنا فى غُمّه
ومصيبة من المصيبات
وساعتها ياكلنا الندم
ونعيّط على اللى فات
ده البت فى المنتدى
بتدى الواد مواعيد
عشان تتقابل معاه
ويمشوا الإيد فى الإيد
آل إيه بتصنع حياه
ومشروع جديد فجديد
حياة ايه اللى بتصنعيها
يابنت الهبلة انت والمفعوص
يابت اتلمى ولايميها
واندهيلى ابوك المجعوص
ييجى يشوف المصيبة
قبل ما ياخد ***
وبنته تروح فى الزريبة
ينيّلها واد عصعوص
ابعدوا البنات عن العيال
فى السن المنيّل ده
وقولوا لبتاع العيال
شوف لك مجال غير ده
واصنع ياخويا براحتك
بس إصنع وسط كبار
عالأقل لو ما صنعتش
****** *** ****
آخر تعديل بواسطة New_ManII ، 05-06-2004 الساعة 09:14 AM
|