|
سؤال عن مصر للطيران
انتو رحتوا فين؟ كنت بتكلم مع ناس وجت سيرة شركة مصر للطيران وعدينا على تغيير اللوجو و"التطوير" اللي ابتدا من سنة 2004 وكل واحد اتطوع يقول خبرة مبهجة عن الشركة ومنها ان واحد لقى صراصير صغيرة في الكراسي وواحد تاني وافق على الكلام دة. خلاصة كلامنا اللي استمر ربع ساعة بحالهم عن الشركة ان نوعية الخدمة فعلا متميزة!
لكن فيه واحد منهم سكت شوية وابتسم وقال الحمد لله ان الخمور ممنوعة على الاقل فيه حاجة عدلة!!!
قلتله اه صحيح وانا مبلم وبحاول اخفي قرفي من سماع الخبر دة، اللي اعرفه ان شركات الطيران اللي بتعمل الكلام دة عربية واللي هي بتسمح ان المصيفات يتحجبوا لكن مكنتش اعرف ان مصر للطيران كدة...
انا عايز اعرف كان كدة من زمان وللا الكلام دة استجد؟ ولو مش من زمان يبقى حصل من امتى او لما مين مسك ايه؟
حد جرب الخدمة هناك؟ اخر مرة كانت امتى؟ وشكرا
آخر تعديل بواسطة أبرهة العصبي ، 02-11-2008 الساعة 11:15 PM
|