إتحاد منظمات أقباط أوربا لم يتفوه بكلمة واحده لحقوق المتنصريين!! ويقول أنة للمسلمين والاقباط !عجبي
واحنا فين
مبروك لاتحاد اقباط اوربا ولسه لما يخرجوا لنا رسميا بالبيان الختامي او التوصيات الي بتكون نتيجه المؤتمر وكان المراسل الوحيد هو مراسل ايلاف كان يجب نقل هذا الحدث المهم صوت وصورة
خطوة مهمه في وقت يحتاج فيه الاقباط للسير في اتجاه واحد والعمل المشترك والاهداف المشتركه قبل كل هذا ولكن من خلال المقال المكتوب في جريده ايلاف الالكترونيه لم يتم كيف سيقوم الاتحاد في تنفيذ التوصيات المذكورة بمعني اخر ايه الي حيحصل علشان ينفذوا الحاجات الي اتفقوا عليها
طبعا انا كنت من اول الناس الي فرحانه جدا لهذا الاتحاد لاني كنت بعتبر نفسي من اقباط اوروبا ولكن كانت المفاجاة ان كلمه متنصرين لم يتم ذكرها من قريب او من بعيد
مثلا تم مناقشه قضيه اندروا وماريو في حين انه لم يذكر اي شيء عن محمد حجازي او عن ماهر عبد المعتصم انا عارفه ان قضيه ماريو واندرو لا تقل اهميه عن محمد وماهر ولكن لماذا لم يتم ذكرهم السنا مسيحيين مصريين مثلكم نعيش تحت النير ويمكن كمان اكتر منكم لاننا لانكم علي الاقل مش بتواجهوا المشاكل الي احنا بنواجهها من انكار الكنيسه لوجودنا والمطاردات الامنيه والمطاردات من الاهل والمجتمع
اعرف ان لكل انسان صليبه ونحن كمتنصرين نحمل صلباننا بكل فرح وشكر ولكننا نحتاج ايضا لمن يقف بجانبنا كما يتوقعون منا ان نقف بجانبهم
وكمان مكتوب ان اتحاد اقباط اوروبا يسعون من اجل افضل للمصريين اقباط ومسلمين والسؤال هنا لماذا لايسعي المسلمون في اتحاداتهم ومؤتمراتهم من اجل افضل لكل المصريين حتي والاقباط في اوروبا لسه بيحاولوا انهم يغازلوا المسلميين متهيالي كلمه من اجل الافضل للمسلمين والاقباط ما فرقتش مع المسلمين في حاجه هما كده كده معتبرين اقباط المهجر عملاء وخونه فلو نقطه الافضل من اجل مسلمين واقباط لم تذكر مش حيفرق حاجه في نظرتهم
اتمني اني اكون غلطانه ولما تنشر التوصيات النهائيه للمؤتمر بشكل رسمي يمكن يكون فيه كلام تاني
وعلي العموم مبروك تاني
وبصراحه كويس ان الموضوع ده حصل علشان المتنصرين في كل العالم يكون لهم اتحاد خاص بهم ومؤتمرات يتقابلوا فيها مع بعض ويحاولوا يشوفوا ازاي ممكن يساعدوا اخوانهم واخواتهم المتنصرين المضطهدين
ومتهيالي ده من حقنا وده مش معناه اننا بنفصل نفسنا عن جسد المسيح الواحد ولكن معناه اننا بنشوف حل لمشكلاتنا الي مفيش حد عايشها غيرنا
مدونة متنصريين بيسوع
http://asmaaelkholy.blogspot.com/200...g-post_09.html