اهلا يا عاطف

انا مش بقول يستطيعو او لا يستطيعو

انا بقول هل تستحق اسرائيل الوجود بهذا الشكل الغير شرعي الذي قامت به؟

وعد بلفور : اعطى من لا يملك لمن لا يستحق (جملة معبرة جدا وفي الصميم)

يعني انت أعزم صحابي في مطعم مش بتاعي وأقوم من غير ما ادفع الحساب

واخد شوية كراسي معايا ونا ماشي

ولو صاحب المحل اتكلم يبقى قليل الأدب

دا كان وعد بلفور

وحماية بريطانيةللعصابات الصهيونية وعنصرية شديدة مقيتة ضد العرب

والد صديقي (فلسطيني لكن مش مسلم لا مسيحي ارثوذكسي) كانت العائلة كلها معانا في كندا

لكن كان راجل عجوز وكان عمره 10 سنين أيام النكبة 1948

حكالنا عن البلاوي اللي حصلت للفلسطينيين

وبعدين كم هائل من المجازر قبل وبعد النكبة

وتجاهل تام لكل قرارات الأمم المتحدة

وادانة من اليهود غير الصهيونيين ودول كتير جدا في كندا على فكرة ومعارضين جدا لاسرائيل ومجازرها

وادانة من كل العالم

الا طبعا الحكومات اللي مأثرة عليها فلوس رجال الأعمال الداعمين للصهيونية

ودول بيعملو مقايضة سياسية بدعم اسرائيل من هذه الدول من جهة / ودعم رجال العمال واللوبي الصهويني لهؤلاء السياسيين في امريكا و غيرها من جهة


لا اخفي عليك ان اسرائيل من داخلها دولة ديمقراطية ومتقدمة وان كانت هناك كذلك بعض العنصرية بين يهود الغرب والشوق والروس والعرب والافارقة الخ

وعنصرية كبيرة ضد عرب 1948

ولازم تخدم في الجيش عشان تاخد بعض الحقوق وان كان ذلك لا يشفع لك لو كنت مسلم


بكل المقاييس العادلة اسرائيل دولة قامت عن طريق الاحتلال و الاستيطان

دولة قامت على اساس السرقة و اغتصاب الارض

انها دولة لا تستحق الوجود

انها دولة تستحق الازالة من الخارطة



اما بخصوص هل يستطيع المسلمين ازالتها ؟

دوام الحال من المحال يا عاطف


الفراعنة كانوا ملوك العالم .. هما فين دلوقت؟ مجرد تماثيل يدفع لنا السواح بعض المال ليتفرجوا عليها

البرتغاليين كان عندهم امبراطورية عظيمة .. هما فين دلوقت؟

مين اقوى دلوة في العالم دلوقت؟ امريكا .. اللي معندهاش حضارة 4 تلاف سنة
وكل تاريخها مية ولا متين سنة

كندا (بدلي الثاني والتي افتخر بانتمائي لها واحبها من كل قلبي) والتي تمتلك نظام تعليم و رعايةصحية هما الأفضل في العالم

(رعاية صحية بجد تخلي المواطن مطمئن للمستقبل ومش خايف ومش بيفكر يشيل قرشين للزمن)

لو قلت لك اتأسست سنة كام وكل تاريخها قد ايه مش هتصدقني ؟ والله هتضحك

مصر زمان أيام الحكم الملكي كانت جاذبة لهجرة اليونانيين والايطاليين

كان كلهم حلمهم يهاجروا الى مصر ويستقروا فيها خصوصا في اسكندرية

وكانت مصر احيانا بتكافح الموضوع ده

دلوقت الشباب المصري حلمه يهاجر ايطاليا

الزمن دوار ودوام الحال من المحال

واسرائيل الى زوال ان شاء الله .