الموضوع خيالي تماما يا شباب

واعتقد بان الموضوع ده و التأييد الكبير ليه هنا بالمنتدى هو جواب واضح عن سؤال : ليه نسبة الأقباط بالجيش والشرطة منخفضة جدا؟


بصراحة عيب جدا جدا جدا أن يصل التفكير للمستوى المتدني ده


وبعدين الأخ اللي بيقول الأقباط 25 مليون جاب منين الكلام ده؟

وزارة الخارجية الأميركانية قالت ان المسيحيين بمصر 6% = 5 ملايين تقريبا

والبابا شنودة قال انهم 10-12 مليون

مين بقا اللي قال حكاية 25 مليون؟

لا داعي للفبركة


وعجبني كلام كريستال هارت جدا بأحييه
http://www.copts.net/forum/showpost....5&postcount=18


أنا في وجهة نظري ان الحل الممتاز لمصر هو أولا حل الحزب الوطني الديمقراطي (اللي هو ولا وطني ولا ديمقراطي)

ثم وجود حزبين سياسيين قويين يتنافسان بقوة

حزب ليبرالي علماني قوي زي حزب الغد بقيادة أيمن نور

وحزب مدني وله توجه اسلامي يشكله الاخوان المسلمين ويكون أقرب الى التجربة الماليزية "الاسلام الحضاري - ماليزيا 2020"

الحزبين القويين دول هيتيحوا تنافس قوي جدا يكفل لمصر التقدم لان كل واحد عاوز ينجح وياخد اصوات فسوف يسعى لتقديم الافضل والفيصل صندوق الاقتراع

ويبقى الأمر سجال بينهما وكل منهما رقيب على الاخر ومنتظر له غلطة وده ممتاز للتنافس الديمقراطي

العلمانيين الليبراليين سيجبرون الحزب الاسلامي على عدم البعد عن الديمقراطية

والاسلاميين سيجبرون الليبراليين على عدم الحفاظ على العادات والتقاليد المصرية الاسلامية -او المسيحية- يعني ضمان أن تحتفظ مصر بطابعها الشرقي الجميل المحافظ

مع مرور الزمن وبعد حوالي 30 سنة ستبدأ مصر تتحول الى دولة قوية جدا أقوى من معظم الدول الاقليمية وخلال 40-50 سنة لا نستبعد ان تتحول لدولة كبرى عالميا تنافس المانيا واليابان وفرنسا وانجلترا

دولة تتميز بالديمقراطية والشفافية وحقوق الانسان مع التزامها بالطابع الاسلامي والشرقي

يجب ان نفكر بشكل شامل وكامل وان ناخد بالاعتبار ان هناك اغلبية اسلامية في البلد ده

يجب ان نفكر في حل يرضي الجميع وليس ان نكتب عن خيالات ترضي البعض و أوهام

وشكرا.