|
إتكلمنا عن أقباط ما قبل 1850 وقلنا إنه يعنى الصورة العامة عنهم إنهم : أقباط الثقب الأسود ، والإسم الصح هو : أقباط الثقب الأبيض
وممكن يكون فيه إحتفاء بأقباط عصر الشهداء اللى بذلوا دمائهم لكن مافيش إهتمام ولا إحتفاء بأقباط ما قبل 1850 اللى بذلوا عرقهم وأموالهم وكرامتهم فى سبيل ديانتهم
ونعرف إن الله ليس بظالم ، وإنه يعطى كل واحد بحسب تعبه ، وطالما إن إقباط ماقبل 1850 تعرضوا لأصعب ظروف وفرضت عليهم تضحيات مادية ومعنوية كبيرة ، فإجرتهم عند الله لازم تكون كبيرة ، أجرتهم الشخصية هيأخذوها فى السماء لكن إحنا بنتكلم عن الأرض .. يعنى أولادهم وإسمهم وتاريخهم ، فاللى هيرتبط بهم ويمشى فى طريقهم لازم هيأخذ أجرتهم
واللى حصل إن أقباط الحداثة تابعوا العرب أو الأوربيين وسابوا التبعية لأباءهم وبالتالى بيخسروا ثروة كبيرة .. روحية وثقافية ومادية ، بالإضافة لفقدانهم لجذورهم وأصولهم
|