منك للات ياحاج فراج ....
أنا عملت بنصائحك ودى النتيجة
إقتباس:
farajmatari
اختبر الإلوهية فيك
عِشْ هذه الألوهية التي فيك، فأنت كتاب الله المُبين... اجلسْ، امشِ، تكلّم، تصرّف، كما لو كنتَ إلهاً،
فانطلق من نفسك أولاً حتى يتغير العالم من حولك..
|
أنا عملت نفسى إله وقلت أجرب أعاجيب الآلهة ...
فانطلقت إلى سطح المنزل ورميت نفسى ....
وطبعا عينك ماتشوف إلا النور....
لحسن حظى وقعت فى حمام السباحة العميق فلم يصبنى أذى ...
وطبعا معلش سامحنى لأننى من وقتها وأنا عمال أسب وألعن فيك وفى نصايحك الهباب ...
إقتباس:
هل تشعر بالحزن؟؟ ارقص... غنِّي!!
قِف تحت الدوش وراقب حزنك وهو يذوب ويتناقص مثلما تتناقص حرارة جسمك تحت الماء البارد... اشعر بأن أحزانك وأتراحك كلها تزول مع زوال العرق والغبار عن جسمك...
|
أرقص وأغنى ولا آخد دوش؟؟؟؟
إرسى لك على بر ...
أنا جربت وصفتك فرقصت وغنيت ولكن لم يذهب حزنى ...
وكمان رقصت وغنيت وأخذت دوش ماء ساخن ولكن لم يذهب حزنى ...
قلت يمكن الوصفة لازم تكون بالماء البارد...
وجربتها أيضا ولكن لم يذهب حزنى...
ومن ساعتها وأنا آخد برد وعندى كحة وصداع وبلغم و ... و ... و... و ...
وطبعا معلش سامحنى لأننى من وقتها وأنا عمال أسب وألعن فيك وفى نصايحك الهباب ...
إقتباس:
حاول أن تكسر نمط تفكيرك المتحجر...
وأن تضع فكرك في حالات تمنعه من عمله القديم المتكرر...
|
وآدى كمان نصيحة عملت بيها...
جبت شاكوش ورحت ضارب دماغى علشان أكسر نمط تفكيرى المتحجر ...
وطبعا ربنا ستر فأغمى على من أول ضربة ولذلك كانت الإصابة بسيطة...
٧ غرز بس و ٥٠ لفة شاش وضعت فكرى في حالات تمنعه من عمله القديم المتكرر...
وطبعا معلش سامحنى لأننى من وقتها وأنا عمال أسب وألعن فيك وفى نصايحك الهباب ...
إقتباس:
|
لهذا افتح نافذة ذاتك على الوجود...
|
ُ بعد كل اللى فات ده ..ورغم خيبة أملى فى نصايحك السابقة...
قلت معلش أجرب هذه النصيحة وياصابت ياخابت ...
رحت جايب ساطور كبير وشقيت به ذاتى لأفتح نافذة على الوجود من تحت الرقبة إلى أسفل البطن ...
ولكن لستر ربنا كان الجرح غير عميق فنُقلت إلى المستشفى بسرعة وتم إنقاذ حياتى ....
وطبعا معلش سامحنى لأننى من وقتها وأنا عمال أسب وألعن فيك وفى نصايحك الهباب ...
وطبعا أكيد إنت عارف دلوقتى أنا لو شفتك قدامى حيحصلك إيه ....
