[أبرهة العصبي]

الموضوع باختصار ان الجروبات اللي على الفيس بوك والفيديوهات اللي على اليوتيوب حالها بقى يقرف والواحد بقى مش عايز يخش المواقع دي من اللي فيها... شتايم وقذارة وارهاب وهجوم وتعدي على شخصيات عامة

فانا عايز اعمل معاكو حملة ... نتفق سوا اننا نستغل اهم زرارين في المواقع دي واللي محدش فكر في اهميتهم قبل كدة ولا عرف ان ليهم اثر كبير وهما زار فلاج flag في اليوتيوب وزرار ريبورت report ريبورت في فيس بوك

اي جروب فيه هجوم او شتيمة نحطه هنا وكلنا ننزل عليه شكاوي... مش شرط كلنا لان المواقع الاجنبية غير العربية اي شكوى ليها قيمة عندهم وبيعملوا بيها وهي دي طبيعتهم للي عاش برة

فمتقللوش ابدا من قيمة الشكوى هو صحيح ممكن ياخدوا وقت لكن الجروب هيتمسح او الفيديو هيتمسح مهما طال الوقت

الفكرة دي جاتلي واتحمست ليها من ساعة ما الجروب اللي كان بيهاجم منى زكي اتمسح فقلت مهو بتنفع اهو طب ليه منعملش كدة مع اللي بيشتم دول كاملة او بيدعوا لقتل فلان او بيقول على فلانة خنزيرة!

ها هتبقوا معايا وللا ايه؟