[اشمعنى]

الاخ رافى و الاخوة الاعزاء تحية طيبة
ده رد الأخت (نفرتيتى ) ربنا يخليها كتبته لما بعض الازلام نقلوا الموضوع بفرح طفولى من حوالى اسبوعين فى منتدى آخر وطبعا كانت كبستهم جامدة نظرا لقوة الرد وتوثيقه
ردت وقالت

طيب و ايه المطلوب سعادتك دلوقت؟؟؟ نصدقك من الباب للطاق كده بمناسبة ايه؟؟؟؟ الصوره دي ما اسهل فبركتها يعنى ماهياش اثبات ولا حاجه.

و علشان تعرف حضرتك ان مصداقية الكلام ده = 0 ....
ابونا زكريا خدمته في استراليا كانت في مدينة ملبورن بولاية فيكتوريا مش سيدنى بولاية نيو ساوث والز. يعنى مالوش دعوة ببرايتون ولا شعب برايتون

و وقت الشكاوى المزعومه كان لملبورن اسقف مسؤول عنها و لا يزال ابونا الحبيب الأنبا سريال ... يعنى حتى لو حد هيشتكى ابونا زكريا مش هيروح لأسقف سيدنى يشتكيه....هيروح لاسقف ملبورن :)
رسامة الانبا سريال اسقف على ملبورن 1999
http://www.facebook.com/group.php?gid=47440692230


الأنبا دانيال مكانش اسقف في 1999 ولا فبراير 2002 وقت الشكاوى المزعومه علشان حد يشتكيله اصلا
http://www.coptic.org.au/modules/bishop_daniel/

و بما ان ما بنى على باطل فهو باطل... كل ما ورد في الوثيقه المزعومخه باطل
حظ افضل المره القادمه :)

ملحوظه اخيره:
الرد على ما يثيره ابونا زكريا افضل بكثير من محاولة تشوية صورته بالكذب

وكملت وقالت

ربنا يخلي الأنترنت....

الوثيقه المزعومه تقول كنيسه الأنبا ابرام ببرايتون. و بما ان الكاتب الأنبا دانيال و بيقول المشتكيه كانت هتبلغ الشرطه و تبقي فضيحه في الجرايد الأستراليه يبقي نستنتج ان القصد برايتون سيدنى (ماهو فيه برايتون في مدن استراليه تاني :))

بس كنيسه الأنبا ابرام اللي في سيدنى مش في برايتون!!!!

عنوان الكنيسه
800 forest rd peakhurst,

sydney nsw 2210

cnr of hugh ave,

ubd 292 l2


طيب ما يمكن تكون قريبه من برايتون برضه؟؟؟؟

لأ!!!

آدي الخريطه موضح فيها بعد بيكهرست عن برايتون:
http://www.whereis.com/#session=mzy=


فيه فعلا كنيسه اسمها كنيسه الأنبا ابرام في ضاحيه اسمها برايتون.

فين بقيييييييييي؟؟؟؟؟؟

لا هى في سيدنى ولا هى في استراليا اصلا :)

ياريت حضرتك تبلغ مؤلف الوثيقه او المكان اللي نقلت منه الصوره انهم ما عملوش research كويس قبل ما يألفوها :)

وفى زيادة تأكيد وتحليل المعلومات الواردة فى الموضوع قالت

ايون اlook ماlookش ليه؟؟

.look يا جماعه معايا و خصوصا الزميل اسف

+ afrifa and partners ده مكتب محاماه في انجلترا.

مكتب فين ياولاد؟؟؟

في انجلترا. http://www.solicitalawyer.co.uk/city...-partners.html

انجلترا دي فين ياولاد؟؟؟

في اوروبا.

اوروبا دي غير استراليا يا ولاد؟؟؟

ايون غيرها.

ماشي. مال بقي انجلترا بالوثيقه المزعوه اللي في اول الموضوع اللي فيها الأنبا دانيل بيشتكى للأنبا بيشوى و يقول الست كانت هتفضحهم في الجرايد الأستراليه؟؟؟

+ السيده المذكور اسمها في الوثيقه المزعومه اللي في اول الموضوع فاتن خيري.

Look بقي يا جماعه على السيده المذكور اسمها في رسالة مكتب المحاماه الأنجليزي

هيام ميخائيل

يبقي بتأكد الواقعه ازاى بجييييي؟!

+ الرساله بتاعه مكتب المحاماه للي بيعرف يقرا انجليزي مفهاش اى ذكر لأى حاجه تخص اعتداء جنسي من ابونا زكريا على ابن السيده بوتاتان خالص دي شكوى من السيده هيام ضد الأنبا دانيال نفسه مش ضد ابونا زكريا اصلا

ابقوا خلوا حد يترجم لكم قبل ما تألفوا التمثيليات دي

+ تاريخ الواقعه اللي في الرساله يناير 2003

تاريخ الواقعه اللي في الوثيقه المزعومه 2002

؟؟؟؟؟؟؟؟؟؟؟؟؟؟؟؟

وحكت قصة طريفة حصلت من الحاج اكس كوبت

اهو عم اكس كوبت ده بقي حكايه تانيه.

انا اللي اعرفه ان اللي معاه الحق مايخافش من اى رأى مخالف.
انا كتبت تعليق على التدوينه اللي فيها الوثيقه اللي سعادتك اتحفتنا بيها اقول فيها كل الحقائق اللي كتبتها لك هنا و اللي تؤكد عدم صحة المعلومات...

+ مفيش كنيسة الأنبا ابرام في برايتون سيدنى
+ ابونا زكريا ماكانش كاهن في سيدنى اساسا بل في ملبورن (كنيسه مارجرجس)
+ الأنبا دانيال مكانش اسقف سيدنى في تاريخ الشكاوى المزعومه ولا كان في استراليا اصلا بل كان في انجلترا

بدل ما اخينا الأكس كوبت ينشر تعليقي و يرد عليه لو كان عنده رد..... ما نشرهوش و راح ألف له ايميل تانى يزعم فيه ان ابونا زكريا شتمه هو و الأنبا دانيال


وقتها تيقنت اننا مش بنتعامل مع راجل قد كلمته و يقدر يدافع عن كلامه لو كان متأكد من صحته او يقدر حتى يقر انه اخطأ بشجاعه
دى حركات صبيانيه خايبه

لكن الملفت للنظر ان محمود القاعود يدافع عن الوثيقة وده ممكن يرجح تكهنات البعض انه هو نفسه المدعو اكس كوبت

و ختاما
ده تعليق القمص زكريا بطرس على الموضوع
http://freecopts.net/arabic/media/vi...ectlink&id=104
وشكرا