[elmafdy]

بمناسبة الثعبان الاقرع
عندى سؤال لعمنا الكبير k k بصفته اكثرنا علما و خبره بالاسلاميات

انا زرت قريب بيت الزواحف اللى فى جنينة الحيوانات , و اتفرجت على انواع كتير من التعابين هناك , بس انا لاحظت ان كل التعابين هناك قرعه ما عندهاش شعر
علشان كده انا احترت جدا

هل كل التعابين دى من التعابين اللى ذكرها رسول الاسلام بتاعة عذاب القبر و اللى بيحصل انها بعد ما بتخلص شغلها فى جنينة الحيوانات بتطلع على شغل بعد الضهر فى القبور ؟؟

و لا التعابين دى اصلا تعابين بشعر , بس بيقصوا لها شعرها فى جنينة الحيوانات , اما على سبيل الانضباط زى ما بيعملوا فى الجيش كده , او على سبيل الروشنه زى محمد زيدان و وائل جمعه ؟؟؟

و لا دى تعابين قرعه بس مش من النوع الاصلى اللى ذكره رسول الاسلام , تعابين تقليد , صينى مثلا ؟؟

أرجو الافاده يا عمنا الكبير

المفدى