[elmafdy]

بحسب معلوماتى - اللى ممكن تكون مش دقيقه قوى - أغلب الكنائس المغلقه بتكون كنائس طلع لها تصاريح سواء بالبناء او بالتجديد و التوسيع , يعنى بتكون مش مخالفه من الناحيه القانونيه . . . لكن اللى بيحصل انها بتتقفل غالبا بناء على طلب الأمن , و الحجه بتكون انها ممكن تسبب حساسيه و مشاكل بين المسيحيين و المسلمين .

زى كنيسة عين شمس مثلا , لأن ابناء الشيطان بيؤرقهم صوت الاجراس و بيفزعهم منظر الصليب و بيرعبهم صوت التسبحه و الترانيم , بيبتدوا يعملوا قلق و مشاكل , و بالتالى الأمن بيقفل الكنيسه بسبب انها بتثير مشاعر المسلمين .

أعتقد برضه ان فيه كنائس تانيه بتتقفل بحجة أنها مخالفه للتصاريح اللى حصلت عليها سواء من الناحيه الهندسيه او من جهة المساحه او الارتفاع او القبب و خلافه .

و فيه حركه تانيه شهيره بيعملها المسلمين لما يلاقوا كنيسه بتتبنى , انهم بسرعه يعملوا جامع جنبها , و لأن القانون بيمنع ان كنيسه تتبنى جنب جامع , بيقوم الأمن يوقف الاتنين لفتره و بعدها بيرجع الجامع يتفتح و يصلوا فيه , بينما الكنيسه بتفضل واقفه و معطله .

و طبعا فيه كنائس تانيه الدوله قفلتها و منعت الصلاه فيها بدون أبداء اى اسباب , اللهم الا التلاكيك و الكراهيه .

بس انا فى الحقيقه ليا تعليق تانى على الرابط اللى انت وضعته ده . . .
اللى عاوز اقوله ان الخبر الخاص بفتح بعض الكنائس ده استفزنى جدا , جايز اكتر من الاحداث اللى حصلت كلها . . .

اللى استفزنى هو طريقة تعامل الدوله معانا احنا الاقباط , طول الوقت باصين لنا اننا عيال صغيره سهل يتضحك علينا , او أننا شوية كـلاب ينفع نتراضى بأى عضمه تترمى لنا , و ده بيأكد لى ان الموضوع كأنه مؤامره كبيره كل الاطراف مشتركه فيها , طرف بيضرب و طرف تانى يضحك على عقلنا و يحايلنا بأى فتات تترمى لنا .

يعنى لما كنيسة صول اتهدمت , بدل ما الدوله تقبض على الجناه و تحقق معاهم و تعاقبهم , رمت لنا عضمة اعادة بناء الكنيسه علشان نتلهى على عيننا و نسكت .

و ادى الموضوع بيتكرر تانى , بعد كل الجرائم المروعه اللى حصلت فى أمبابه , و اللى الجناه بتوعها معروفين و متصورين بالصوت و الصوره , مصممين يغلوشوا على القصه و بدل ما يقبضوا على كل الجناه و يعاقبوهم اشد العقاب , اختاروا موضوع فتح الكنائس المغلقه ده علشان يكون هو العضمه الجديده بتاعة المره دى .

و طبعا مع الجريمه الجايه ها تكون العضمه هى مثلا الافراج عن بعض المسيحيين المقبوض عليهم , او الافراج عن التاسونى المسجونه , او أى حيله يتضحك بيها على عقولنا و يفلت الجانى بعملته علشان يستعد للجريمه اللى بعدها .

و ده طبيعى لأن جيشنا الاسلامى و حكومتنا الاسلاميه المؤمنه مؤمنين بالشريعه اللى بتقول انه لا يستوى المسلم بالذمى و لا يجوز معاقبة مسلم قتل مسيحى او حرق بيته او هد كنيسته .

مش بأقول لكم مافيش فايده .

المفدى