|
مشاركة: خواطر ثورية
شوف حسني بية مبارك حاطط في بطنه اكبر بطيخة صيفي
وعارف لا متأكد ان محدش حيتجرأ ويبص له بطرف عينه
والدليل ولاده بيقولوا اعملوا مظاهرات فالكبي كبير ولا يهان
بعدين مقعدينهم في سجن 7 ستارز وعز وابهة والضباط بيخدموا عليهم
وموبيلاتهم متصلة بالقمر الصناعي وفلوسهم برة مصر من 25 يناير
وشباب الثورة الغلابة كلهم انضربوا بالنار وبالخراطيش في عيونهم
ونسبة كبيرة انعمت واللي بيروح التحرير بيعتقلوا الجيش
وبالنسبة للمقولة الجيش والشعب لا صححها " الجيش ومبارك ايد واحدة "
ياعم البلاد كل شوية وف النازل وشوف بعينك
لو قعدت اتكلم لباقي عمري مش حاقول واحد على مليون عن مبارك وحاشيته
طيب دة زكريا عزمي عنده 30 شقة 600 ساعة الماظ وكلهم هدايا حد جاتله
هدية حتى ساعة بس مش الماظ مش مهم طيب يروح يقعد في بيت ابوه وحنشوف
الهدايا شكلها اية
ليهم حق فى رمضان يقولو ااصحى يانايم
ياجماعة متجوعوش قلوبكم اللي هما عاوزينه حيعملوا لا حيهمهم رأي شعب
ولا اي حد صح هما القطر واللي حيقف قدامه اخرته طين وزفت
بنقول يارب احرس المحروسة وشعبها وابعد عنا الفتنة واسترنا
|