|
سلمى الصاوي لم تثبت روايتها
بلدنا - حركة 6 أبريل: سلمى الصاوي لم تثبت روايتها
حضراتكوا تابعتوا سواء معانا أو مع يسري فودة في آخر كلام، قضية سلمى الصاوي، واحدة من أعضاء حركة شباب 6 إبريل اللي اكدت في روايتها سواء على حسابها على فيس بوك أو في لقاءها على الهوا في آخر كلام إن يوم الاتنين اللي فات وبعد الوقفة اللي كانت عند وزارة الداخلية بمناسبة سنوية خالد سعيد، كانت في الطريق لبيتها في محافظة 6 اكتوبر، وقفها ظابط جيش سألها عن بطاقتها ما كانش معاها بطاقة، سلمها لظابط شرطة خادها في البوكس وغمى عينيها وحقق معاها وسألها عن أعضاء في 6 إبريل وفي جماعة الإخوان _على اعتبار إنها عضوة منشقة عن الجماعة_ وبعدين احتد عليها وضربها بعصايا على راسها ففقدت الوعي وبعدين سابوها في الشارع فلقت نفسها عند مقر مباحث أمن الدولة اللي في 6 اكتوبر.. تاني يوم طلبت تقابل رئيس الوزرا وقابلها فعلاً ووعدها باتخاذ اللازم.. وآخر حاجة كنا عارفينها لحد النهاردة، إنها كان المفروض عندها معاد يوم الخميس في وزارة الداخلية للتحقيق في الموضوع كله.. لكن النهاردة صدر بيان من حركة 6 إبريل، مقتضب جداً_ يادوب كلمتين ورد غطاهم_: " إنه في ضوء متابعة حركة شباب 6 أبريل للملف قضية سلمي الصاوي، واهمية وتوجه حركة شباب 6 أبريل لمعرفة الحقيقة بعينها في هذه الأزمة، وفي إطار مساعي دولة القانون التي ننشدها، فإن الزميلة سلمي الصاوي لم تستطيع أن تثبت روايتها أمام وزارة الداخلية وأمام حركة شباب 6 أبريل بشأن إختطافها في قطاع الأمن الوطني بمدينة 6 أكتوبر"
احنا حاولنا نتواصل مع سلمى للتعقيب كانت قافلة موبايلها
http://www.youtube.com/watch?v=FZ703RXHJvQ
__________________
لم اكتم عدلك في وسط قلبي تكلمت بامانتك وخلاصك لم اخف رحمتك وحقك عن الجماعة العظيمة اما انت يا رب فلا تمنع رأفتك عني تنصرني رحمتك وحقك دائما
|