اخواتى و حبايبى شكرا ليكم على المساعدة الجميلة دى ايوة مساعدة و ماحدش يفتكر انكم بكلامكم ده جرحتونى
ولا حاجة بالعكس انتم فيدتونى و خلتونى احط ايدى على اللى بيخلى الناس تضايق منى يعنى زى ما جون نيو بيرث
قال (يابخت من بكانى و بكى عليا و لا ضحكنى و ضحك الناس عليا) و معلش انا اتاخرت فى الرد لانى كنت بمتحن بس
فى بعض المشاركات اللى احب ارد عليها :

عزيزى النسر : عيوبى اللى كتبتها دقيقة و صحيحة الا ان العيب التالت انا معترض عليه لانى بعامل اصحابى
المسلمين كويس و مش بكرههم انما اللى بيلبخوا هنا بس هما اللى بشد معاهم ثم اظن اننا كاقباط و بشر
معذورين مليون مرة اذا كرهنا المسلمين


اما عن عيوبك فهى انك منبهر للغاية بفكرة الحياد و النزاهة لدرجة انك انحازت للخصم على حساب الصديق و هذا كان
واضحا للغاية فى مشكلة بوش و على فكرة انت و كيرلس تشتركان فى هذا العيب (اذا قلنا على ده عيب) - نصيحتى
ليك : حاول ان تتعاطف مع من تحكم عليهم و لا داعى للتفكير ب..اقول (تقفيل دماغ) و تسامحنى؟؟؟؟؟ اسف للكلمة دى لانى ماعرفتش
اجيبلها مقابل بالفصحى ( اسف لموضوعيتى)


عماد حنا : دورت كتير على معنى كلمة (تنلقائي) و مالاقيتلهاش معنى


bush: مش عارف ليه لما قريت كلامك لاقيت عينى مزغللة الظاهر النضارة باظت


أيهاب : بالعكس انت لما تنقدنى تبقى بتوعينى كتير بيحصل ان واحد من اصحابى يقوللى بنطلونك شكله وحش او
قميصك شكله عبيط لكن مابزعلش لانى عارف انهم يقصدوا يوعونى عشان ماخرجش و الناس الغريبة تقوول (يييعععع
ايه اللى لابسه ده) للاسف عقولنا الشرقية لم تعى اهمية النقد عموما بعد


ياكوب : بصراحة ارائك كانت بتحرق دمى و من زمان كان نفسى اشوفك عشان اهبدك علقة لكن كلامك الحلو اللى
كتبته ده احرجنى و كسفنى و عرفنى انى انا الوحش و بعد كده مش هازعل منك خالص لانى عرفت دلوقت انك بنى
ادم محترم (اغفرلى صراحتى)


ELSHIEKH : شكرا على مجاملتك الظريفة بس انت واخد فكرة حلوة اوى عنى
ليه فكرتنى بموضوع الهجرة ده بس تصدق انى حلمت من كام يوم انى بشوف الكشف بتاع اللى نجحوا فى اللوترى
و مالاقيتش اسمى فقعدت اعيط اعيط اعيط و فعلا صحيت لاقيت عنيا مبللة بالدموع - ياريت ياجماعة حد يشوفلنا كشف
ولا حاجة فيه اسامى اللى نجحوا بس على الله الحلم مايتحققش لاحسن احلامى كلها بتتحقق اليومين دول


kalahari : دعنا نصحح كلامك انت تقول : انا أرى أن أهم عيوبك تكمن في كونك تعتقد في دين خاطئ وباطل, ورثته عن
آبائك وأجدادك ولم تختره بنفسك.

التصحيح بقى : انا ارى ان اهم عيوبك تكمن فى كونك تعتقد فى دين ورثته عن ابائك و اجدادك و لم تختره بنفسك و ده
عيب فينا كلنا كشرقيين مسلمين و مسيحيين فماداموا قومى مثلا مسلمين فلاكن انا مسلم و لو كانوا مسيحيين
يبقى انا لازم اكون مسيحى برضو - الكلام ده غلط فلكى تكون جدير بدينك عليك ان تبحث و تفهم و تسال و تجادل و
تعمل اللالى مش العملية بالوراثة كده


sammy : انا واثق فى قدراتى العقلية زيادة عن اللزوم عشان كده اللى بيقول راى غلط بيجننى لا و يهوسنى بقى لما
يصر عليه انا معاك انى عدوانى و بالذات بقى عالنت يمكن لان دى مشكلة الانترنت اللى الناس هاتنتبه لها فى
المستقبل انها مسهلة كل حاجة - ممكن تشتم الناس و تعمل مشاكل عن طريق شوية تكتكة بالماوس ده غير انك
مابتبقاش وجه لوجه مع اللى بتشتمه يعنى باختصار عدوانيتى دى مبالغ فيها عالنت و فى المنتدى انما الواقع اقل
من كده شوية

بالنسبة لموضوع اللاب توب و الصدى ده اكيد زمان الادمنز ظبطوه و لو عاوزين تخلوا الموضوع ده مرجع ننقد فيه بعضنا البعض مفيش مشاكل انا هاحاول اغير اسمه ليتناسب مع الفكرة الجديدة